[ابن هندي]

اخوي عصاوي بيض الله وجهك واشكرك على جهودك المبذوله

ووعدتكم بالقصايد التي قيلت في اجتماع قبيلةالدلابحه المقام في قصر الجمش للاحتفالات في22/9/1428هـ

قصيدة الشاعر/ عوض بن خاتم الحميداني الدلبحي

يامرحباباللي توافد وفودهم
عداد مزن بارق الغيث ذايبه

بلاد دلبح درع راسي وعزوتي
ليا هبهب الغربي وكبرت مصايبه
أ
نتم هل القالات والسيف والقنا
يشهد لكم بالطيب نجد وهبايبه

يوم الرماح ومقرعات الأشده
وقت يشيب الراس به من عجايبه

تكاتفوا جدانكم في زمانهم
الراي واحد وثمرة الراي صايبه

وامااجتمعتوا اليوم في وقت عزكم
الوقت سم الوقت فرق حبايبه

الله يجمعكم على مايفيدكم
والفضل للي ماتعدد وهايبه

وقال الشاعر عبدالله بن عبدالعزيز الحميداني الدلبحي

انا ابن دلبح يوم جانا الداعي

والله لاارفع عزوتي وارباعي

والطيب ورث من الاباء وذراعي

وفعولنا يوم اللقاء مخبوره

لاجاء نهار مثل يوم الجوه

مسلحينن مختفين وقوه

من شب نار الحرب نطفي ضوه

دلبح وفي يوم اللقاء منصوره

واليوم يادلبح هذي جمعاكم

تجمعوا جعل الردي يفداكم

وجعل العدو يطيح تحت حذاكم

نبغى اتفاق صح صوت وصوره

نبغى اتفاق يعجب القبيله

ألياسمعوه الطيبين تجي له

واللي يفاخت ربعته عزيله

كل يوم في مرمى سوات الكوره

ترين جمعاكم بها معزه

للسلم وقت وللتلاحم حزه

ومزح الجماعه بينهم له مزه

مايعرفونه شلة مغروره

صح لسان الشاعرين وسلامتكم