[غازي البقعاوي]

	صح لسانك يابن العم يامحمد الثبيتي وقصيدتك جزله وعلى موقف

والله للاي اعز ربعك واهاليك=واعز انا الغياب واللي هنيا
وأحشمك انا من شانهم لومدانيك=ولوان بعض الهرج يجرح شويا
هذي وعدت كان الك قلب يوعيك=وإن الذي تبغون هدمه عصيا
وإن عدتها مانلام لوجبت عاليك=واطيك وآطا فوق خدك كذيا
وابوك تقصر عن عتابه هقاويك=والورع منهم يزرطك زرط نيا
منتب كفو لمصادم الروس ياديك=خلك مع الغربان تنعق سويا
ربعي هل الطالات مافيه تشكيك=تلقى بهم فزعه وتلقى حميا
ذباحه الحايل ولاحتجت تشفيك=ولطامة العايل برمحً سنيا
وإن تهت عنهم فاسأل الارض تنبيك=عن ماجرى تحت الجدي والثريا
يوم الرماح مغرزه في علابيك=وانته تقول الـــلـــــه يستر عليا
ماقل دل وباقي الهرج يوذيك= مار اقضب الدرب الطويل المهيا
وإسلم بنفسك قبل لانبتلا فيك=ونرقص ابليس العور هالسويا

التوقيع

قصيدتي ( برقا وروق عينان في راس ) http://www.otaibah.net/m/showthread.php?t=49814 شيلة مهنا روق وبرقا شيلة سعود الدلبحي لقصيدة الشاعر الكبير غازي بن عون الرويس لمتابعتي بتويتر Albagawi Ghazi@غازي جزاع العتيبي