محاورة بين حبيب العازمي ونامي السلمي
نامي
مرحبا باسم قوم(ن)فالنهار الكبير*****تكسب الاوله والدار تحتلها
بعد جانا حبيب جعل فالامر خير ****قالو عتيبه الهيلا يمثل لها
حبيب
البقا فالعوافي والنهار الخطير****من يعقد الحبال يعود يحلها
جيت يم البحر وانا اعرف انه غزير ****مير انا اسبح بحورالخارطه كلها
نامي
ياعتيبه عليكم فيه علم(ن)يصير****زادت العقده اللي واضح(ن) حلها
خلها بيننا سوات سلك الحرير****وانتبه للبحر والثانيه خلها
حبيب
لاتعلم عتيبه وانت توك صغير ****شوفلك مصلحه والمخطيه زلها
جعل دربك سماح وجعل طيرك يطير****مير لن طبلتلك لاتطبلها
نامي
المهم ان هذا الوضع طبعا عسير ****يجبر الله خواطركم ويعمل لها
كل رجل(ن)على روحه وحاله بصير ****والعجم يارجال العرف مارطن لها
حبيب
يالله اني طلبتك يالعلئ القدير****تاخذ اهل المشاكل يمكن احسن لها
الجمل فالرسن والاالرسن فالبعير****دام تكتب وتقرا حجتك فلها
نامي
الله انه يجيب لدعوتك يالامير*****جاك راع السيوف وفاللقا سلها
انت تسأل واظنك في سؤالك خبير*****وكل ميله لها قاضي يعدلها
حبيب
قاضي المحكمه فالمحكمه يستدير****قفل المحكمه وش عاد نعمل لها
ياحبيب توقع خل عندك ضمير****انت مثل البشر مانته برب لها
نامي
تحسب ان القضاه بكل ساير تسير****مير حنا سليم نجيب لك دلها
ياعرب ياعرب مع كل غاره يغير****والمواقف حسبنا دقها وجلها
حبيب
سلها بالنصاب وردها فالجفير ****وان كتب لك صلاة(ن)واجبه صلها
لاتعكس الحقيقه عبر صوت الاثير****المحطه تعكسك وانت ترسلها
نامي
نعرف العلم ياللي تستشير وتشير ****والله اني لثنيها واعقل لها
وسلامتك (منقول من منتديات السكان)