الشيخ نجم بن هليل الثبيتي شيخ قبيلة الثبته والقاضي المعروف والملقب بلقب(ابو عتابه)
توفي قبل عشرون عاماً ...وقبل أيام اطلعت على صورة الشيخ في احد المواقع
وكتبت أبيات قليلة في حقه..وقد رثوه قبلي الشعراء بقصايد عصماء
هيضّني اسم الشيخ جعله في رياض الصالحيـن=ولعل قبـره بالمـزون اللـي تلـوح بروقهـا
واهني من يرحل وذكره فـي قلـوب الطيبيـن=وكلمة (رحمـه الله) عليـه مـرددًا منطوقهـا
ذكرى الحياء والطيبين يبين من ماضِ السنيـن=والوقت يمضـي والنشامـا ماتضيـع حقوقهـا
كم حيّ فوق الارض يحسب من حساب الميتين=وكم ميتٍ يدفن فالأرض وعاش ذكـره فوقهـا
والناس مـا تذكـر يكـود الطيبيـن الغانميـن=أمانـةً تِحْفـظ وتاريـخ العـرب صندوقـهـا
و أبو محمد ذاع صيته من عصـور الأوليـن=(نجم) على اسمه والقصيده فالكريـم نسوقهـا
عز الرفيق ومسنده.. زين النبا ..ذرب اليميـن=واليا نصـوه عيـال عمّـه فاللـزوم يشوقهـا
واليا وقف في ماقفه ياقف كما الضلـع الزبيـن=اليا وقـف ضـد الرجـال المعتديـن يعوقهـا
أبو عتابه قاض الحقي راعي العقـل الرزيـن=كـم مـن قضيـه حلّهـا وموثّقـه بوثوقـهـا
عدى الروى اللي فوق جمّه واردين وصادريـن=والناس مـن جمّـه تبـل كبودهـا وحلوقهـا
من روس الاد ثبيت واسمه ماتضيّعه السنيـن=لو كان تحت الأرض.. ذكره ما اختفى من فوقها
*
*
*
عيضه بن معيوض بن دبيان الثبيتي