اقتباس:
المشاركة الأصلية كتبت بواسطة الصميدعي
مشكور اخوي فرناس على الموضوع
والله كفووووو بعتيبه الهيلا
ولكن فيه مغالطات كبيره !!!!!!!!!!!!!!!
لان الشيوخ ال سفران اللي دكرت كان لكل واحد منهم مشيخه
مستقله على الخنافره وفي ازمان متفاوته
وبينهم وبين بعض عدة مشايخ اخرين
# فكيف يقتلون في وقت واحد ؟؟؟؟؟؟
اما حسن المدكور في القصيده فليس الامير حسن ابن سفران
ويقصد به شخص اخر ولم يقتل وانما منع دلك اليوم
والشيخ سلطان ابن سفران لم يقتل على يد عتيبه
وانما لحق على الدوله السعوديه الثالثه وتوفي عام الخبت
اما هروب الخنافر ماسمعناه الا منك
ونعتبره مدعاة للضحك
وانشد محمد ابن هندي ليعطيك الخبر اليقين
عن الخنافر وهل هم يهربون من الاعداء ام لا
ارجو منك احترام عقليات القراء واحترام تاريخ القبائل الاخرى
|
حياك الله يالقحطاني ولاعليك زود
والقصة الي ذكرتها في موضوعي على الشيخ حسن وسلطان بن سفران
ومقتل الشيخ حسن في هاك المعركة كان مباشرة وقاتله معروف فدغوش بن رماص تركوه ربعه الخنافرة في ساحة المعركة وسلطان صوب اصابة قوية وشالوه ربعه واخذوه معهم مصوب ومثل ماقلتلك بعض الرواة يقولون ان سلطان مات من الاصابة وبعضهم لايردي عن مصيرة
والشيخ جعمل بن سفران الي قتله هو عبيد بن ناشي الصخيلي في معركة ثانية مهيب في المعركة الي قتل فيها حسن وصوب فيها سلطان اصابة بعضهم قال مات منها
لورجعت للقصة الي ذكرتها لقيت اني ذكرت هالثلاثة الشيوخ في بداية الموضوع على انهم مقتولين في معارك مع الشيابين لكن في تفاصيل القصة ذكرت الشيخ حسن وسلطان بن سفران
وتقول المقصود مهوب الشيخ حسن بن سفران واحد ثاني وش رايك بعد نقول شليويح العطاوي مهوب هو الي قتل وعليه القصة واحد ثاني ولاغيره من الشيوخ نقول مهمب هم ناس ثانين اسماهم تشابه
ويوم تقول هروب وضحك والله وانا خوك ودك تضحك اضحك وش المانع امن وامان وقصص انتهت مع اهلها
وكيف تبيني اسئل محمد بن هندي وهو ميت له حول 100 سنة !!!!!!!!!!!!!
وانا ماقول في الجميع غير ونعم وانا مظلم حضي وانتقص من قحطان لاوالله والله ونعم بعيال الشايب كلام وكاد