ياجماعة الخير ..
الأمور هذي انتهت ..
وعشان اختصر عليك يا أخوي القحطاني روّح بنفسك وعاين ديار عتيبة في نجد وديار قحطان وشف من الي في وسط نجد ومن الي ورا حصاته..
ولاحظ ان أغلبية نجد لـ عتيبة ..
وإن كنت تقول حنا لألحين في ديارنا ( صبحا والحصاة ومن ورا لين اليمن ) ..
اسأل نفسك سؤال:
هل ديارنا (القحاطين) المذكورة أعلاه صحيح في نجد ولا في طرفها الجنوبي ..؟
وهل ديار العتبان الي همه فيها الحين ماتستاهل
إن القحاطين يدافعون عنها لأن رفيزك يقول ماهزموا قحطان
بس استوطنوا الديار الي هم فيها الحين (سنام نجد) ..!!؟
أما نجد الي كنت فيها فهي ديار عتيبة الحين ..
أما الي يقول: ماهزموا قحطان لكنهم استوطنوا نجد ..!!!
يعني ماهزموها بس استوطنوا احسن اراضي نجد واطيبها وأوسطها ..
يعني استوطنوا بالقوة ..!!!
وهنا نضيف سؤال جديد وهو : ما معنى استوطنوا أفضل الاراضي ..!!؟
وبالقـــــــــــــــــــــــــــــــــــــــــــــ وة ..!!!؟
يبدو ان عندهم صعوبة في تعلم المفردات العربية مع ان لغة عدنان واضحة وهي افصح لغات العرب ..
ماعلينا ..
باختصار ..
نقاشات اخواننا القحاطين تدور حول هذه النقاط:
1- انتم يا العتبان ماطردتونا من نجد ولا عتبتوها ..
وهذا نقول له رح عاين الديار بنفسك ..
بيرجع ويقول: استوطنتوا بعد ما انهزمتوا من قحطان ..
نقول له: طيب ليه استوطنا أطيب الديار ومعظمها دام حنا مهزومين ..!!؟
والمفروض نعود للحجاز لأننا مهزومين ..!!!؟
وهذي الشواهد من كتب التاريخ ... إلخ
يقول : ياخي مكتوب جلت .. يعني ما انطردنا ---------> عاد فهمه أنت
يقول : ياخي مكتوب ازاحت .. يعني ما انطردنا -------> برضو فهمه
يقول ياخي حاربت عتيبة قحطان بس ما هزمتها لأنها حاكمة نجد لكن مارجعوا الحجاز --------------> زعلوا وقعدوا محلهم ..!!!!!!!!!!!!!!!!!!!!
وفي هذه الحال عليك بالذاهب به الى قارئ ليرقيه ..
أصلا هم نفسهم متناقضين .. منهم من يعترف (وهم قليل من العقلاء) ..
ومنهم من يقول جا ابن حميد الله يرحمه وعيا عليه ابن هادي الله يرحمه
وعود للحجاز الله يرحمه قصدي وعود للحجاز بدون الله يرحمه واستأذن ثم اذن له ..
ومنهم من يقول جا وعيا القحطاني ثم قامت حرب وانهزمت عتيبة
وتفرقت واستفزع العتيبي بـ سبيع وكذلك انهزموا .. ومنهم من يقول فازع
لكم الباشة .. ومنهم من يقول جمعتوا القبايل ..
ومنهم من يقول استوطنتوا أفضل الاراضي بس انتبهوا ترا ما هزمتوا
قحطان لأنها بطلة واقوى وحدة في العالم وأتحداك تسوي مثلها ..!!!
ومنهم .. ومنهم .. ومنهم ..... إلخ
صراحة الموضوع في وجهة نظري القاصرة استوفى كامل حقه من النقاشات وفتحت مواضيع كاملة لنقاشه ..
وحتى أخوانا القحاطين حاطين موضوع مدري منتدى كامل بعنوان:
" عتيبة وقحطان "
وفيه أنواع التصاريف الي على كيف كيفك .. خذ وحدة :
حولوا قحطان للجنوب يدورون الربيع .. يوم عودوا حصلوا العتبان في نجد .. ( أما تكملة القصة فختلفوا فيها بعد ) منهم من يقول حاربوا العتبان وطردوهم .. وهذولا تورطوا من جديد في النقاش ..
ومنهم من يقول ماعاد نقدر نسوي شي في وقت عبد العزيز الله يرحمه ..
وكل واحد يقرأ التصريفة ويركبها على مزاجه ..
والي تخيلونها من قصص الهوليوود
إن شاء الله تحصلونها هناك -----------> (دعاية يستاهلونها اخوانا القحاطين)
آخر تعديل عتيبـــــ ولد ــــــــة يوم 03-Dec-2007 في 07:58 AM.