بسم الله الرحمن الرحيم
السلام عليكم ورحمة الله وبركاته
يسرني أن أشارك بهذه القصيده للشاعر / زيد الذيابي
وأرجوآ أن تحوز على رضاكم .............
الكده اللي كلبوها مصاريف= والزود منها قسم لأم العيالي
معاد منها نكرم الجار والضيف=ولاعاد يلزمنا الرفيق الموالي
ومنها نعاني كل مايقبل الصيف=لاكثرة الأفراح والجيب خالي
ياليت أبه لقليل الدخل تعريف=اللي تحده مضلمات الليالي
اللي حياته طول عمره صواديف=وترميبه الدنيا جنوب وشمالي
ماعاش في لندن ولاعاش فجنيف=ولاحط راسه في طويل الظلالي
ماجتله الدنيا الدنيه على الكيف=أم العبر ترخصك لو كنت غالي
دنيا الشقا دنيا العنا كلها زيف=فيها عزيز النفس ماله مجالي
لو كان جدك راعي الرمح والسيف=وخالك يفك معقدات الحبالي
ماينفعك فعلك وطيب المواقيف=لوكنت عنتر وابو زيد الهلالي
اليوم عالمنا غريب التواصيف=وسهيل صار اليوم مثل التوالي
الحر حول من طوال المشاريف=وقع محله واحداً صار عالي
ضاقت على الطيب جميع المحاريف=من عقب ماكانن يدينه طوالي
مع قل ماله صابه سوء تصريف=ماهب من اللي يكنزون الريالي
مرة عليه سيرته كنها الطيف= وصفتها بالفكر وصفٍ خيالي