[ابن بدوى]

على مبدا الرجال اللي تنادي بالقصيد رجال
المشرف والاخوه الشعراء : للجميع الحب والتقدير على الجهود المبذوله ، وهاذي قصيده اهديها لكم اتمنى انها تعجبكم

على مبدا الرجال اللي تنادي بالقصيد رجال ====اغني والقصايدما تتعبني معانيها

اغني من هواجيسٍ كثيره والخفاف ثقال ====بيوت الشعر صارت بين هادمها وبانيها

نجي للمنتدا نبغى سواليفٍ وراحة بال ==== نجي له والبواخر عزها شوفة موانيها

ترانا مانبي نزعل حبيب ولا ننثير جدال ====ولا نبغى (العصايد)بين دوكيها وعطنيها

وعلى ذكر القصيد اللي يسمى فالقصيد جزال ====اسوق الحرف واسقي ضامياته من سوانيها

نقول الشعر باللي يعجبه والا الهزال هزال ==== ديار الشعر جيناها وشيدنا مبانيها

نغنيها على وضح النقا ونكرر الموال ==== ونفرح بالرفيق اللي يشاركنا صوانيها

احب من الطيور ام المخالب والجناح جلال ==== صواريم الحرار اللي عسيرات مجانيها

ليا خربت ليا خربت مشيت وبعتها بريال ==== مدام ان العقول هبالها من كبر امانيها