النشمي
هلا مرحبا عد الليالي مع الايام= نيابه عن الهيلا هل العز والهيبه
الا يالمطاري سرها والوعد قدام= تمثل بنى عمك وانا امثل عتيبه
الشاطري
يدوم البقاء عداد ماذعذعن انسام= عن مطير اهل سيفٍ عطيبه مضاريبه
على ماتبي يمّ اليمن سرها والشام= وكلٍ على الميقاف يحمي مواجيبه
النشمي
نبا نفتح الصفحه ونامر على الاقلام= ونكتب ملاحم تذهل الطفل والشيبه
عن القصه اللي تعجز الفكر والاعلام=قضت وقتها مابين رحله وتغريبه
الشاطري
يسير القلم ويسجل العلم بالاحكام = ويصدر مجلد من قرابه يهذريبه
على الطاولة ياصحابي كل شهر وعام=لكن البلا فالطاوله وش نسويبه
النشمي
تبالك لحم جاهز يقدم بدون عظام=وراع المناوي مايحقق مطاليبه
تهوز المعارك لا ذخيره ولاش حزام=وخصمك يشب النار تشعل مشاهيبه
الشاطري
تبا الصدق يالنشمي عليها ختم وابهام= وراع المناوي طش صوته لصاحيبه
انادي واصوت مار ماواحدٍ لي قام= تقول ان مالك سمع للصوت توحيبه
يقولون تالي وقتنا تطول الاقزام= ويشيب الغراب من الزمان وتعاجيبه
سباء عرشها بسباب هدهد يروح حطام= مثل سد مارب صار من فار تخريبه
الشاطري
زمانٍ يجور وفيه راس الكريم يظام= عسى يسلم الرجال تالي عواقيبه
تحرى وانا معك اتحرى خيار اقسام= ليا أنهد سور الصين بيكن تمسيبه
بعد مات ابو عمار وش جاب ابو عزام=يلم التمر والسوس في داخل العيبه
ولورنس العرب يضحك على صاحبه دحام= وله مقصداً محداً من الناس
تحلم هذاك ومات ماحقق الاحلام= وهذا ماجاب العلم حتى يوديبه
تبا العلم راح الامر مع عابد الاصنام= ولو يقصدون الناس جهز مصاليبه
على نهر بحر النيل مار الورود حيام=ولورنس مايصرى من الشك والريبه
نبا ننقل الحمله على الجيب ابوصدام=ترى الفرت لاطال المدى ينكشف عيبه
الشاطري
ترى كل حرٍ يارد العذب ماينلام= لكن ينتبه للماء لاتكثر غثاريبه
حموله على الجيب المسمى بسبع اختام= بعد مرّ بالنقطه قرينا مكاتيبه
بعير الشواوي صايبه فالطحال هيام=وكسرة لحيه كلها من عراقيبه
عرفنا حقيقة زيدوالشيخ ابوعرام=يازينه بذاك البشت يسرح ويضويبه