[الفيصل]

السلام عليكم ورحمة الله وبركاته ...

مساكم الله بالخير جميعا ..

اخواني ..لقد كان هذا الموضوع مصيده !!!

نعم مصيده وكان ابطاله شخص غير معروف وانجر خلفه اعقل الكتاب في هذا المنتدى واخذ الموضوع صفة العصبيه مع ان النبي عليه الصلاة والسلام حذر منها ووصفها بالمنتنه ....

هذا الموضوع اخواني اخذ اكبر من حجمه كثيرا وبدا بعض الاخوة منهم الملقب بوضاح في الطعن والاستهتار بغير داعي ولكن سامحه الله..

وسامح الله ايضا من سحب خلفه وبدا يناوشه الكلام ويرفع من وتيرة الحده في المناقشه...

وسامح الله ايضا من قال بانه لايعرف السهول ولم يسمع بهم ...

سامحكم الله جميعا ..

انا والعياذ بالله من كلمة انا عتيبي واتشرف بالانتماء لهذه القبيله المسلمه العريقه من غير نقص في القبائل كافه ولا ننقص حقهم .. فالناس جميعهم فيهم الردئ وفيهم الجيد..

ومن ايام ادم ابو البشر.. وهذه سنة الحياة وانما الحياة اختبار وامتحان...

ماااريد ان اصل له بالضبط اننا جميعا اخوان بدو وحضر جميعنا مسلمين
واذكر هنا موقف حصل لي في الجامعه بيني وبين احد الاخوة من قبيلة قحطان

عندما استشارني في امر ما في الدرس فاجبته فقال لي: (والله رغم ان بيننا وبينكم مشاكل لكن اشهد بالله انكم مطاليق)!!

قلت له بالحرف الواحد: شف وانا اخوك انت من ربك؟؟ قال: الله سبحانه وتعالى ..قلت له: وانا بعد مثلك.. طيب ودينك وشنهو؟؟ قال لي الاسلام ولله الحمد.. قلت له: عظيم.. انا بعد مسلم مثلك .. والامور اللي انت تتكلم عنها راحوا اهلها مانقول الا الله يرحمهم ويغفر لهم.. واحنا هالحين ياطويل العمر اخوان في الدين ولا بيننا مشاكل ولا خلافات والقبيله اللي انت منها بيننا وبينكم احيانا نسب ومصاهرة والعكس صحيح يعني احنا اهل .. بعد نظره طويله فيها شوية ندم قال: عز الله انك ماكذبت ..وقام وحب خشمي .. طبعا الدكتور طردنا من المحاضرة لانه مايدري وش السالفه شاف اثنين يسلمون على بعض في نص الشرح ..لكن الحمد لله طلعنا متصافين واحنا من قبل متصافين لكن الشيطان يااخوان الله يخزيه يدور اي ثغرة يخرج فيها الانسان من دينه ..

فارجوا منكم يااخوان ان تختمون هذا الموضوع بدعاء كفارة المجلس وهو:سبحانك اللهم وبحمدك اشهد ان لا اله الا انت استغفرك واتوب اليك..

وسامحوني اذا غلطت في كلامي لكن هذي وجهة نظري ولكم خالص تحياتي.