سلام الله على الهيلا سـلام العـز والتقديـر =بعد ما جيت عاني من قبيلة حرب اغني بـه
نبي نلعب مع اهل الطيب ونجنب عن التقصير =ورجال يقصر فـي لزومـه ينفـري جيبـه
خالد
هلا يامرحبا بك ياهلا والضيف وضعه غيـر =لزوم انـي ليـا شفتـه اهليبـه واحييبـه
تبا تلعب وانا بلعب معك .. واللي تباه يصير =الا وين القعود اللـي نبـا ناسـم عراقيبـه
عبدالله
انا ابا امشي على هوني وابا اعدي براس النير =تشوف عقالي اللي في يدي لا قمت اومي به
ولن كانك تبي تمشي معي حذرا تعكس السير =ترا رجل يعكس السير يلقى قدمه مصيبه
خالد
صعيب النير طلعه يالشبابي غير جوف البير =وظلع النير قدمك ياصحيبي عاويً ذيبـه
والا ياحرب راحت سالفتكم من زمان عصير =هوى نجم الجدي ..والقوم كلً ينكب صحيبه
عبدالله
انا ما قلتها الا قدهها مابه كلام غير =ولا ني ملتفت للي يخابط في مشاعيبه
ليا انه راح زير يجيك بعده يا العتيبي زير =وبكره تصلك الأخبار مابه شكه وريبه
خالد
مديح النفس مايحسب .. توقع تدهست الزنجير =خصيمـي دونـه اسمـي بسكينـه واذكيبـه
انا ياحرب عندي حل .. شوفو غيرهم تأجيـر =عسى ربـي يزكيكـم بواحـد يقـدر عتيبـه
عبدالله
ترانا اهل صحيح ولا نجيب الكذب والتزوير =حقايق والحقايق للعرب كا النور تمشي به
ترا واحد وقف لعتيبه الهيلا وضد مطير =وهلحينه يجي بعده رجال كلها هيبه
خالد
انا ماذمكم ياصحابنا والطير فوقه طيـر =ولاكن خل بعض القوم تعط الكيف شريبه
كيبره مار لامن جيت كلك قلت لك ياخير =ترى اصغر عتيبي لا وصلكم يفتل شنيبه
عبدالله
نفوس القوم فيها زوم لو ما تحسن التعبير =ولو ينشف هذاك القاع ما عاشت دغاليبه
عيونك للسما تبغى النجوم اللي لها تنوير =ولكن عيش وقتك والزمان ادرى عواقيبه
خالد
كلامي معك بالمنطق وريح المسك عكس الكير =وبترك كلمتـك ياصاحبـي لسيـل وشعيبـه
مكاني حافظه واطالعك فـي مجهـر التكبيـر =واشوفك نقطتً فالارض وادعي ربي تجيبـه