[عبدالرحمن الهيلوم]

	ياسلام الله على اللي عن كل الطيب عني وجملة عتيبة تنومس به ويكنفها ظلاله وهيبته منها عظام أهل الشجاعة يرجفني وحكمته منها بليغ الراي يعجز في مقاله شيخ مامثله سكن في نجد وإن ماخاب ظني ماوجد في عصرنا الحاضر ولا سير مثاله وعاصبٍ راسه على درب المراجل وامتعني ومرتكي للكايدات من الفعول وللشكاله والصخا كنه من عياله على ذكره يحني وفعله المعروف عمانه وفزعاته خواله الثقيل اللي موازينه بغيره يرجحني والصمود الصامل اللي لارتكى للحمل شاله ووالله إن الحال لو هو ياعتيبة بالتمني مااتمنى غير يسلم بندر وتسلم خصاله وإن وصل سلمان بن عبدالعزيز القول عني وحاول الحساد تشويه الكلام بلا دلاله قلت ألا ياسيدي وانت الخبير بكل فني وتعرف علاج المريض ودق حبله من جلاله والله إنا تحت رايتكم جميع بلا توني ودونكم حنا ليا من الوغى حان اشتعاله وحبنا لشيوخنا من حبكم والكم نبني بالقلوب حصون محفوظه من أصحاب الضلاله

صح السانك ونشاء الله ابتاصله ولاتخاف جماعتك وربعك محزمك
ماهم مقصرين يالغالي