[السميــــــري]

السلام عليكم ..
إليكم هذه المتواضعة .. التي ماقيلت إلا ولها مسببات !!
بمن يغمرك بطيبه ..

ليا دارت هواجيس المعاني في الضلوع العوج=أجيب الجزله اللي كـل مـن جاتـه يثمنّهـا
أوردّها تجيني فوج أصدرهـا تـرّوح فـوج=ماقول الا عسـى ربـي يسكنّهـا مساكنهـا !
ليا هبّت رياحي من يناحي للريـاح الهـوج=تسوق الغر مـن مـزنٍ بعيـداتٍ مواطنهـا
أسخرّها وفاخرها على اللي يكتبـون العـوج=ليا جات المدايح ( قلـت ) والعالـم تدونهـا !!
أقول المدح لن قلته وأشرّع بابـه المزلـوج=وأصك أبواب دون أبواب بالكيلون أكولنهـا
ليا جاء طاري الغلبا توسّع للمـدوح أفجـوج =سلكت فجوجها من فوق قـبٍ مـا نرسنّهـا
أهل فعلٍ ينومسها ليا جات الهـروج هـروج=وأهل مجدٍ صروحه فالسما ماهـي تطمنهـا
رجالٍ تدخل التاريخ من بابـه بليّـا خـروْج=وتستوطن على أرض العز والعزه مواطنهـا
هذا شوفي ولي نظره ولي فكرٍ وله منتوج = صحيح أن الكتْب ماتعرف الا من عناونها
رفيق ليّ بنى له وسط قلبي من وفاه بروج = ولا تهتز لو زلزالها يضرب أماكنها !
أبن منهو عرفه السيف والهيجا وظهر الغوج = وتعرفه الدلال الصفر لا شحت معادنها
هذا طبع النشاما والنشاما سلمها معروج = يمثلها ((حسين)) اللي شواربها يدهنها

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع