[حسن شامي الجعيد]

السلام عليكم ورحمة الله...

أخر قصايدي اضعها بين اييديكم

على امل ان تنال رضاكم

وتصل الي مستوى اذواقكم

ياعين هل الدمع تكفين ياعين=خليه يكتب فوق خدي شهاده
خليه يكتب للقرايب والقصين=أني أحبه وأعشقه في بعاده
ياعين أنا أحبه سوات المجانين=أهـيـم فيه ومبحـراً فـي وداده
ياعـين ما تسـواه كل المزايـين=في وسط قلبي مملكة وبلاده
سلطان مستوطن وسِيد اسلاطين=يأمر على روحي وحقق مراده
حبه جرى فيني بوسط الشرايين=حبه ملكني لو يطـول سهـاده
حتى لو أنه غاب سنتين وسنين=القلب بيدينه.. وحطه قـلاده
والقلب لامايسكن القلب ثنتين=القلب له وحـده وبأمـره ريـاده
أمره ينفذ فوق كل القوانـيـن=أمره ينفذ ماعلى أمره اعـاده
ياليتنا في عهد ناسً قديمين=وغزي لقومه وأختطفه بجواده
وأخذه شيخ القوم ناسً حكمين=وأقـول زوجنا المهر في السعـاده
ياشيخ شفنا في الحياه النكيدين=ناس تمنا لو تجـينـا النكاده
ناساً حقوده حاسدتنا ملاعين=تظلم مشاعرنا .. بلـيـا فياده
ياشيخ أنا من قوم واهلً كريمين=في دربنا نمشي ونمشي بركاده
في حبنا يا شيخ ناس شريفين=أصون محبوبي وحصن رقـاده
محدن يمسه لو جيوشه ملايين=محدن يقرب له وصدري سناده
إموت من شافه قبل ترمش العين=إموت ما يشعـر بضـغـطة زنـاده
ياشيخ.. أنا ربعي رجالاً غيورين=محبوبته مـصـيونةً في عـتـداده
ياشيخ دمي غيرةً تحرق الطين=وتفتت ضلوعي وتصبـح رمـاده
ياشيخ أنا أحبه وحب الوفيين =وأغار من لمس الهواء والوسـاده
نمشي بدرب العز وأحنا عزيزين=وحبنا محشوم يا أهل النقاده
والله لامشي معه بالعسر والين=أسايسه وأرضيه وأرضي عناده
منساه لو ينسى العرب عام تسعين=ولحظاتنا تنسى بحين الشهاده
وألا قـبـل هـذي ورب الخلاقيــن=منساه لو ينسى المهلهل عباده
يومه كسر ظهره بوسط الميادين =يـوم أفـتـدى بمـرؤ وضـيع جــواده

وسلامتــكم

سلـطـان الحــزن