سارح البال
الليله الليله نبا نلعب على اللحن الجديد=وندرب الاصاحب يا الاصحاب ونغيض العدا
سلطان شاعر مبتدي لكن يفيد ويستفيد=وانا نويت اعلمه علم الخبر والمبتدا
سلطان الجـذع
العب على ماتشتهي والليله المسرى بعيد =لو انها ماهي بعادة مشرفين المنتدى
المشكله لو غازي الميموني يعلم رشيد !!!!!=عنده خلل للناس واضح فالكفاءه والادا
سارح البال
الناس للي يعطي دروس الثقه صاروا عبيد=وصويحبي بعد التعلم صارله صوت وصدا
من غرته دنياه واصبح يحسبه حاز الرصيد=ترا الليال المقبله ياصاحبي فيها الردا
سلطان الجـذع
انا ادري انك تكمل الماجوب وحزامك جويد =لكن دايم للذياب اما عشاء والا غدا
اكبر رصيد المال عانه داخل حساب الوليد =تحمد الله يوم ناديته وجاوب للندا
سارح البال
ياحليل صاحبكم يبا يلعب على لحن وقصيد=وفي تالي الليله يبا يصبح ياخلق الله فدا
المال حدد مصدره يامصطفى عبد الحميد=واحذر يجي فيه الربا واحذر يضيع ابه الجدا