الحر النادر
سلام رديه مؤشرها على الشاشه حمر = يحوش مكسبها بنوك اسويسرا وانجلترى
سحابتن قدم الهوا تبرق وترعد من عصر = ابروقها صوب الشمال وسيلها في ام القرى
سعود العصيمي
يامرحبا لو المؤشر حسب توصيفك خسر = كلمتك هذه صرها عندك ولا واحد درا
البرق يبرق في سحابه ويتقفاه المطر= والله ليامنه كتب له حال مضاه وجرا
الحر النادر
دام البقا والعلم خله سر لاتجهر جهر = الدلو يجذبها الرشا والسانيه ترجع ورى
وان كان صدق العلم.... قلنالك ترى بيرق قطر = على يدك بكره يجي ويرز في قمه كرى
سعود العصيمي
حسب الفروض فروض نجهرها وفرضآ سرسر= ماعندنا الا ياوسيع العرف مردود البرا
البيرق اللي في حكم غسان فاشل مايسر = وانكان نفسك فيه شمر لاتذرا فالذرا
الحر النادر
ياعمنا ياعمنا ماعاد لك حس وخبر = حنا نتلمس لك عذر لو كان تعلنها زرى
اللي حصل شي(ن) كبير وكسر ساق(ن) ماجبر = وجدي وجدك مات وانا وانت بالورث خشرى
سعود العصيمي
اللي يدورنا يحصلنا على سطح القمر = الراس في سطح القمر والعرق في جوف الثرا
حنا بخير وعافيه مامن خلاف ولاخطر= واللي يخصك مايخص سعود والساري سرا