الحر النادر
يامرحبا ترحيبة (ن) ترقا على متن السحاب = نبدابها بين الرجال اللي طوال اشبارها
يالمرشدي مبروك يومنك تعليت الهضاب = وامسيت من ضمن الحرار اللي بعال اوكارها
بندر المرشدي
الك البقاء لاكن لاتعكس قوانين الخطاب=يعني تسلم والعلوم اللي تبي تختارها
المرشدي من خلقته ذيبٍ مخاوي له ذياب =ولا همته كثر الضواري لو تلد انظارها
الحر النادر
الله يبارك بك وبرجال(ن) عزيزين الجناب = مشكور في وحده والاخرى قوم دور غارها
السيف ابو حدين يابندر ومصقول النصاب = كم من رجول وكم يدين(ن) سيفنا بتارها
بندر المرشدي
هاذي سلوم جدودنا من يوم هم فوق الركاب=انكان ما تدري ترا غيرك حفظ معيارها
السيف يقطع فاليدين الطايلة والا الرقاب=اما الرجول الله يجيرك دوروا منشارها
الحر النادر
تبا الحقيقه.... جابك الله فوق ضرس وفوق ناب = مير الرجال اللي تشورك لاتهمل شارها
ماقول فيك قصور لاجت للسوالف والحراب = لكن خلك فاليمين ولاتروح ايسارها
بندر المرشدي
موترك مسرع والطريق اللي عكسته به ضباب=ثلاث واللي غيرهن مالي بكشف أستارها
وانته من أهل النعم لاكنّك مخالف للصواب=سابقك تعرف ركضها يارجل في مضمارها