.
بسم الله الرحمن الرحيم
أحبتي في شبكة الهيلا
اسعد الله اوقاتكم بكل خير
انقل لكم هذه المحاورة التي بدأت عبر الأثير ( sms ) بيني وبين الشاعر عبدالكريم النفيعي
لعلها تشفع لنا بعد الغياب
.
.
.
الشاعر : جمال الربيعي
يا شاعر المليون تكفيك مليون = وإن كان تبغى بالملايين زدنا
ما زادنا بيرق ولا انتم تزيدون = حنا على كل المخاليق زدنا
الشاعر : عبدالكريم النفيعي
يا شاعر المليون والقاف موزون = ما فدتنا حنا مع الشعر فدنا
تكفون ياهل الشعرر تكفون تكفون = عِزوّا مقام الشعر داخل بلدنا
الشاعر : جمال الربيعي
حنا عطيناهم من الشعر فرعون = ومعلم الفصحى بعد من هددنا
لكن خيانات العرب مالها لون = بالله يا فرعون ويش استفدنا
الشاعر : عبدالكريم النفيعي
حنا عطيناهم وهم ما يحسوّن = لكن عسى الله لا يضيّع جهدنا
يا شجرة الزيتون ما فيه زيتون = جينا على الفيّه نسجل عددنا
الشاعر : جمال الربيعي
يا دفتر التاريخ لا زلت مديون = ولا زلت لين الحين تطلب مددنا
حنا رضينا لجل الإسلام شارون = وعشانهم ما عاد نعرف ولدنا
الشاعر : عبدالكريم النفيعي
يا دفتر التاريخ منته بمضمون = ضاعت حججنا فيك وايضا سندنا
وشارون من طيب العرب صار مغبون = وحنا عن احمانا حرصنا وذدنا
الشاعر : جمال الربيعي
بالله يا عبدالكريم اطرق اللون = خله مع العالم يسجل عهدنا
قول العتيبي قال ملعون ملعون = من شافنا بالعين وانكر عتدنا
الشاعر : عبدالكريم النفيعي
ابشر يابو مشاري على ما تريدون = ما يختلف ميقافنا مع وعدنا
قلته وباقوله واغني به الحون = من يطلب العليا عليها وجدنا