قالوا علامك غازيٍ راسك الشيـب
مثلك شباب ولابعـد عـاش دنيـاه
قلت اتركونـي غـارقٍ بالتعاذيـب
كاس المـراره والتعاذيـب ذقنـاه
دنياي والله شفت منهـا التعاجيـب
" والوقت لا طالت لياليه عفنـاه "
طعنة عدوك تجرح الجلد ويطيـب
وطعنة رفيقك تذبـح القلـب والله
اقرب قرايب كثروبـي عذرايـب
وانا الشجاع ومنهو النـاس تنخـاه
عيبوني باني ناقـصٍ بالمواجيـب
وانا الذي تكسبلـه الطيـب يمنـاه
ابوي رباني على العـز والطيـب
وراعـي المعـروف والله مانسـاه
اضحك واجامل عند ربعٍ اجانيـب
اضحك وقلبي لاهب النار تصـلاه
يالله يارحمـن ياعـالـم الغـيـب
افرح لمـن ذاق المـراره بدنيـاه
كتبت من حزني في بعض المكاتيب
ولو انـه باقـي حزننـا ماكتبنـاه
منقوله