ناصر الجلاه
من المكنون ياخالد وآخذ علمي من المكنون=ولايلحقك في خاطرك لامقصد ولاشكه
نصحك الجذع وابى انصحك والعربان مايدرون =تراها ضحكةٍ فالوقت والضحكه هي الضحكه
خالد المقاطي
ابو زيد الهلالي لامشا دربه مشا بالهون = على درب المعرفه لامشا والله مافكه
وانا بنصحك ياناصر .. رجال العز وش ؟ يقلون = على بابً يجيب الريح ؟! غانم فرصتك صكه
ناصر الجلاه
خساره كل ماتوفي عرب بالعرف مايوفون=ترى من قارب الجربا يجيه من الجرب حكه
اخاف يجيك مثل أصحابنا في شاعر المليون=مقاطي تجهل الدبكه تباعد عن هل الدبكه
خالد المقاطي
لك الله مركي الجمره على ماقيل بالغليون = تشوف بعينك الثنتين كل الناس من ضكه ؟
نصحناك وتحمل يوم جاوز سرعك القانون = على قول المثل شخصً قدرته قوم له بكه
ناصر الجلاه
انا ماشوف لك لازم تركد هد فالطبلون=وغير رحلتك عن دار غزه وارحل للمكه
مادام إنك تبى تكسب ترى كسبك ماهو مضمون=على حكم العرب تحكم بتسعه تكسب ألكه
خالد المقاطي
بعثنا في مهمه يوم ترثات الغطى يبكون = وحنا سترها لاصار للعيدان محتكه ؟
تصنون وندبل والنتيجه .. تاتروح ديون = الا ياسامي انته معتزل وانته على الدكه
ناصر الجلاه
مهمة ويش وألا ويش ياليت العرب يمسون=ورجلٍ تجهله خله ورجلٍ تعرفه زكه
انا والله مالومك لوعقلك بالحكم مخزون=ولكن مثل ماقال الصعيدي : غير السكه
خالد المقاطي
مدامك ماتعرف لسوق الاسهم غيركم يشرون = وانا تاتجر ومستثمر رصيده جاوز بلكه
نقديكم على درب المثايل لجل ماتغدون = على قول البرابر : ماتجيكم هكه وهكه ؟