[ناصر الجلاه]

..


السلام عليكم ورحمة الله وبركاته ,,


نتواصل في قسم قصائد الاعضاء بهذه المتواضعه


أرجوا ان تنال اعجابكم .

جتني تعذر بعد ماغابت اسبوع=وتقول لاتسأل وش اللي لفابك
الهم . والتفكير . والثالث الجوع=وإن طول غيابك ذبحني غيابك
ترى العتب مشروع والصد ممنوع=لاتحرم المشتاق فرصة جنابك
صدري حواك وكل مابه من ضلوع=ونفسي تبيك وبالمحبه تهابك
يكفي جفا . ياطيب الاصل والنوع=أنا تراني صفحةٍ في كتابك
من قبل اجاوبها وأنا صرت مفجوع=قعدت أردد بإسمها ياهلابك
يامن تعاتبني وأنا منك موجوع=لاتحسبني في سعاده بلابك
رأسي على كفي وجسمي على الكوع=وترى عذابي مايشابه عذابك
طيفك يفزعني من النوم وأفوع=ياحلو طيفٍ فآخر الليل جابك
ابكي سوات الطير بكيٍ بلا دموع=واقنب قنيب الذيب قدام بابك
لادمع يدرابه ولا صوت مسموع=يارب ترحم حالتي والرجابك
كله على شانك تبعت الهوى طوع=واحفيت رجليني شقا في ترابك
وقطعت دربٍ عسر ماهوب مقطوع=الجو جوي والسحايب سحابك
يالين حبك صار فالقلب مطبوع=وصارت حياتي في حياتك تشابك
هاذي حياتي هم والقلب منزوع=واللي نظرني قال للي ويش صابك
اسبابها في غياب مقداره اسبوع=وش لون لو غيبت وابطى غيابك

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com