[عبدالله هادي ناشي الفليت.]

قصيدة من قصائد الشاعر : عيضه الثقفي بعنوان : ( ثقيف نصف دهاة العرب )

الليلة التاريخ قلطته في بيـت الشعـر ضيـف=أبعثـره مـرات فـي بالـي ومـرات أجمعـه
حتى وقف لي من ثقيف أسماء على بالي صفيف=يشهد لها التاريخ الأكبـر والليالـي الموجعـة
أسماء طبعها الدم الاحمر يوم هد السيف سيـف=في ظرف من ساعة لقا من قام قـام الله معـه
أسماء لها مجد الشموخ الراسخ العالي المخيف=اللي لها في الذكر ذكر وفي الممالـك شعشعـة
من صلبهم قال النبي يخرج لديـن الله حليـف=وأحفاد نفع الدين قبـل أحفـاد ديـن المنفعـة
منا عظيم القريتين الفـارس الشهـم العفيـف=إليا عطى في الشرق راي الغرب كلـه يسمعـه
إن قام بين أشراف ما كن أحد من حوله شريف=وإن سار ما يتبع لأحـد كـل الخلايـق تتبعـه
أربع دهاة من العرب في السلم والحرب العنيف=واحنا ثقيف أدهى ثنين مـن الدهـاة الأربعـة
أعظم فتوحات العرب قدنا لها الجمـع اللفيـف=إما برفع الـروح وإلا النصـر الأكبـر نرفعـه
في الهند والسند وبلاد الشـام للرايـة رفيـف=منها قلعنا الشـرك واسـم الله محلـه نزرعـه
حنا لها حنا لهـا بالسيـف والخيـل العسيـف=حكام باب الحرب وأرواح السهـوم المسرعـة
الله قوي الحيل فينا مـا خلـق رجـل ضعيـف=أطرافنا تنبت سهـوم وينبـت الصـدر أقنعـة
للحرب رأس أغبر وحنا اللي لرأس الحرب كيف=حكام باب الحرب وأرواح السهـوم المسرعـة
حنا ثقيف اللي كتبنا الوحـي بالكـف العفيـف=الله خلقنا أصحاب رأي ولا خلـق فينـا إمعـة
الأرض من تاريخ والوجهات الأربع من ثقيـف=والمجد وجهة خامسة ملـك الجهـات الأربعـة
للضيف احدنا يقتري وإن ما لقي ماقـال كيـف=ولع ضلوعه نار واستقرى ورحب مـن سعـة
الرجل منا لو حداه من الدهـر حاجـة رغيـف=في داخله تاقف كرامـة نفـس عنهـا تمنعـه
المجد ماضينا ولا زالـت لنـا الدنيـا تضيـف=حاضر ومستقبـل نقفلـه محـد منـا ينزعـه
الدم يغلي في العروق بقبضة السيـف الرهيـف=حتى حفظنا السيف في قطف الجماجـم موقعـه
المجد بيت من القصيد أعمى أصم أبكم كفيـف=وإليا حضر به مجد ثقيف وجدت ثقيف بمطلعـه
ياسيدي لا تفتخر بالمجد فـي حضـرة ثقيـف=المجد عند أدهى اثنيـن مـن الدهـاة الأربعـة

وصح لسااااان الشاعر عيــضه السفياااني


ونعم والله فيك ياعيضه وفي قبيلــك ثقــيف

تستاهل المليـــون ياعيضه بس

حطوك في اخر الطابور××لان ماعندك لاطوابع ولاصوره

تحياتي لكــم,,,
عبدالله هادي ناشي الفليت.