بسم الرحمن الرحيم
صوت وصدى
الشاعر ناصر المرشدي ومجاراه من محمد بن رشيد
ياهل الهروج مضيقات الخطّر=ماني على هرج الردى متواطي
اقدح زنادي فالفتيل ومظطر= واليا زعلتوا روّحوا للشاطي
كن الرشاش من الغمام ايمطّر=لاقفت ضعون امكثر الاغلاطي
بعض الكلام اللي يقال يفطّر= تبلابه العقال لو تحتاطي
اشد وقع من الرماح الشطّر=واسطى واحد من الحسام الساطي
والا كلام اهل العقول معطّر=ماهوب هرج الظايع الخراطي
قفّى زمان بخيت ودليم الطر= وهذا زمان الخبل والمتعاطي
اليوم عيش عن العرب متشطر= من شان لاتبلى بهرجة واطي
وانا ليا منّي بغيت اسطّر =ماصابني مما يقال احباطي
اجيبهن ابكار ماهي فطّر=تبقى حروفي والنقاط انقاطي
واليكم مجاراتي
الله على بعض العباد اينطّر=اللي يسولف بالكلام الخاطي
بيح كنين العاقل اللي وطّر=وفتوق قلبه منه ماتنخاطي
ماقط لاعشاء ولاقد فطّر=ويذم ابو عاطي ويمدح عاطي
وقولة نعم عن سمعته متخطّر=ولاله مع اهل المعرفه مقلاطي
جعل الخيال اللي سحابه قطّر=يسقي من الدمام لين ارهاطي
دار ٍحموها اهل السيوف العطّر=وساد الامان عن الظلام الغاطي
عن فعلنا التاريخ فيه امسطّر =ميقاف روقيٍ فزع ومقاطي
واليوم وقت الاغنياء والبطّر= عزي لحال الجند والضباطي
وفالمدرسه مايرسبون الشطّر=من عهد عاد ودولة الاسباطي
وانا احمد الله ماتضيق (الخطر)=البيت بيتي والبساط ابساطي
| التوقيع |
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !
mrm@mergab.com |