محمد الروقي
سلام تسليمً على قبلان قايلّه يسير = يالين يوصل عند اذنه ثم يقول اله السلام
ياصاحبي قبلان انا بخير دام انته بخير = والحمدلله والشكر حنا في امن وفي سلام
قبلان الدعجاني
يامرحبا ترحيبة ٍ لمحمد الرووقي تطير = تطير لين تجيك في واد الرشا ولا جهام
تقولها من بعد ماغثرب قراحك يالغدير = ياربنا جعلك تسوق الخير من وبل الغمام
محمد الروقي
العلم يارجال سهل و مايبا حرب ومنير = انا اعتبر حضرتك صاحب فالرخا والاّ الزحام
واظن قلبك مانوا ينسا صغير ولا كبير = لكّن يالله تهدي الصاحب وتكفيه الملام
قبلان الدعجاني
وقت الرخا ماني خويك غيرنا تلقى كثير = وانا حزامك دون تزهمني ليا طال الكلام
الشيخ عظمه منكسر وشلون نلقى له جبير = واليا انجبر عظمه تبا تلقاه مشتال الحسام
محمد الروقي
كفو كفو ماقلت فيك قصور يابناخي المدير = لبست الك بشتً وصرت اليوم من اهل الوسام
الموت سنه يابن غالب والله الله الخبير = منته بجبّار العظم منته بكسار العظام
قبلان الدعجاني
إن كان تبغى البشت يفداك .. الوعد عقب الاخير = ترى الوعد مثل العهد والخوف من طول المنام
الموت سنه وانت لاجاير ولنته مستجير = والدين من غير الفروض الخمس قالوا ماستقام
محمد الروقي
ماني في حاجة بشتك اللي من قطن مدري حرير = اللي من اسبابه تحلل كلبو انواع الحرام
انا بعالج وضع الامه وانا مسؤول وامير = قبل لاتتشتت ويصبح فالدول بعض انقسام
قبلان الدعجاني
مدام ماتبغاه خلك جالس ٍ فوق الحصير = وياصلك قسمك يامحمد من شراب ومن طعام
قدام لاتنظر لوضع الناس يالشاعر جرير = لاطفت بيت الله لاتنسى تصلي فالمقام
قبلان الدعجاني
ترى المراجل يامحمد ماهي بكثر الشخير = وانت القسيمه دونت بأسمك بعد عكس النظام
لابد يامحمد تطوف الصبح بالجمع الغفير = يلي تبا العمره بدون إزيارة البيت الحرام !!
محمد الروقي
ماقلت لك قلبك حقود وما نسى مهما يصير = ماتعذر صحيبك ولاتقدّره لو جوّه عسام
انا اعبد الله ولا اعبد عبد مخلوق وصغير = واليا اعتمرت لوجه ربي ماهي لوجيه الحشام
قبلان الدعجاني
إن كان تبغى الراي دور لك من الرووقه شوير = العذر هذا مايفيدك مع عزيزين المقام
البيت من دون العمود إن ذعذع الغربي يطير = ياشاعر ٍ في كل وادي سج رجلينه وهام
محمد الروقي
ياصاحبي كنك من السبعان مدري من مطير = ماكنك عتيبي ونسلك يرجع لـ نسل الكرام
تبا الصراحة مانكبنا غير اسعار الشعير = اللي بسبايبها لقيت البدو عاصيت الإمام