ياخال أنا لو أشتكي لأبعد الناس=كان أفزعوا فزعت عيال المحيا
أنا أشهد إن أفعالهم ترفع الراس=يوم أكسروا شمر وراحوا ضميا
وياخال أنا وضعي خطيرٍ وحساس=ياخال تكفى لاتضيع الحميا
لاقادمٍ ياصل ولا راح عساس=هاذي ثمان سنين وأنا كذيا
أصبر على الغربال والهم والباس=وأساهر السبع ونجم الثريا
واليوم خلي لابسٍ عقد اللماس=في يومٍ أقشر للزواج ايتهيا
غدوبها عني ضعيفين وأنجاس=بدون سابق علم راحت عبيا!!!