السلام علاكم 
هذا ردّ على قصيدة الشــاعر : فلاح المورقي
الموجّهة إلى حضرتي 
وأعتــذر على التأخير ...
قصيدة فلاح :
[poet font="Simplified Arabic,4,black,normal,normal" bkcolor="transparent" bkimage="backgrounds/19.gif" border="double,4,sienna" type=1 line=350% align=center use=ex length=0 char="" num="0,black" filter=""]
يا وصل حالي غدت يا وصل مقهوره=شبت بقلبي وزادت من حرارتها
نار الفراق احصلت فالسمع والصوره=من بعد هاك الغلا فالغاز زادتها
يا وصل غيباتها بالقلب محفوره=بيبان عقد الصلوح اليوم سدتها
من عقب ذيك المحبه عينها عوره=راحت لدربن يزود من خرابتها
من يوم ما شفتها يا وصل مستوره=واليوم صارت تضيق في عبايتها
من بعد كانت ربيع(ن) يشمل ازهوره=مات الزهر عقب ما سوت سويتها
يا حلوها يا وصل لا جتك بلوره=واليوم راح الحلى وزادت مرارتها
قالت بروح اشقحت قلبي اكسرت سوره=وقالت مع الخيل يا شقرا وسوتها
كلمه بروح اضربتني ضرب باكوره=راحت ولا ثبتت يا وصل حجتها
بنت تلاعب بقلبي لعبه الكوره=من بعد ما هي احفظتها جت وشاتتها
جرحي كبر كن دم القلب نافوره=النفس اماره(ن) بالسو وحدتها
ان كان لك حل فانته مجلس الشورا=عطني حلولك وعطني كيف وصفتها
وختامها شاب قافي وجفت اسطوره=عطني حلولك وعطني كيف وصفتها
[/poet]
الرد هـــــــــو :
حيّيت يا شاعرٍ عبّر عن إشعوره=وارسل بيوتــه بعـَد حكـّم صياغتها
يشكي فراق الخليل ويشتكي جوره=وترى حياة الهوى هذي نهايتها
والحب معروف قانونه ودستوره=نكادة أهل الهوى وإلاّ سعــادتــها
أحيان مثل العســل صافي بــ " قارورة"=وأحيان سمٍّ ليا جا الكبد فـتّـتها
ومادام وصل العطيّاني تبي شوره=أقول : تغسل يديــنك من محبـّتها
لو زينها يخرج الرجال من طوره=إنشــد عن أخلاقها واترك حلاوتـها
مادام طشّت عباةٍ تستر ....=لا أبو بلادٍ ربت فيها وضمّــتها
حكّم ضميرك وخل النفس مسرورة=ليش الحسايف على من ذي طبيعتها
ولو إنـّها في بلاد عيال أخو نورة=أرسلت مرسول يأخذها بجـرّتــها
ويجيبها في غمارة جمس مخفورة=حتى تجيها وتاخذها بحفـّــتها
حيث إنها ديرةٍ بالطيب مشهورة=فيها تقاليد والإسلام ثـبّــتها
من جدة إلى الجبيل ورأس تنّورة=ما شفت لي بنت قاشعةٍ غطايتها
تحيااااااااتي.