[مقعد الدغيلبي]

المشاركة الأصلية كتبت بواسطة علي فلاح العضياني

السلام عليكم

قصيده اتمنّى ان تحوز على اعجابكم

إليكم القصيده

عسى ربّي يجيب الفرصه اللي تجمع الاحباب=يا زين اللحظه اللي تجمع الغالي مع الغالي
أنا احسب للقا في ما مضى من وقت كل حساب=سنه ثم شهر ثم أسبوع ثم أيام و ليالي
أببذل كل مجهودي بشتّى الطرْق والأسباب=عسى ربي يعجل بالفرج في كل الاحوالي
لمحته قبل مده من بعيد و خاطري ما طاب=وانا ظنّي لو انّي ما لمحته يمكن أشوالي
لقيته في محلاّت العطور يسعّر الاطياب=و هو مضرب مثل بالزين تضرب فيه الامثالي
يشكّل زينها على جميع العاشقين إرهاب=تزلزلهم بنظرات العيون السود زلزالي
طبيعي تلفت انظار الجميع و تكسب الإعجاب=وتمشي واثقه من نفسها بالزين تختالي
و انا لولا سلوم جدودنا و الدين والآداب=آحذف شماغي اللي فوق راسي و أحذف عقالي
و من هاك النهار القلب من نار المحبه ذاب=و انا ماني مصدّق كيف ذاب القلب طوّالي
من النظرات الاولى ولّعت في قلبي المشهاب=وألا يا وجد حالي وجد من حالي على حالي
جروح الروح من فرقا الاحبّه مالهنّ أطباب=دواها شيّ واحد .. ؟ شوفة اللي هو على بالي
ما غير اجرّ صوتي كل عصريه على المرقاب=أجرّ الصوت في راس الطويل النايف العالي
على درب الدجيما فالهوى والشمري و عقاب=طريق الجيل الاول بعدهم يمشي به التالي
بعد ما سرت في درب الهوى ما عاد لي مجناب=و لا فكرت في مطلاع نفسي قبل مدخالي
عسى ربّي يجيب الفرصه اللي تجمع الاحباب=يا زين اللحظه اللي تجمع الغالي مع الغالي

....

اهب

اهب

أثر القلب خضر

هههههههههه

وش هالكارثه يابو فلاح

لاإله الا الله
طشت راسي ياعلي

ماشالله تبارك الله

ابدااااااااااع وجزاله وشموخ

جمعت وصغت حلوا المفرده

باسلوب جذاب وسلس ولاغريب

فــــــــي ذلك شاعر ومتمكن

وشهادتي فييك مجروووحه

تقبل مروري المتواضـــــع

التوقيع