مقعد الدغيلبي
نادوا حروب المدينه ليلنا ماراح توه=ليلنا ماراح توه والسعد والخير ضاوي
يالحروب اصحابنا كلٍ مسويلي فتوه=مابقى الا تطمعون بورثت بخيت العطاوي
عبدالله الحربي
كل رجل يفعل المعروف يامعبود قوه =لين يمسي لجل طيبه كنه النجم السماوي
يا العتيبي يالعتيبي وكل الله لا تفوه = ما طمعت بعيشتك من خلقتي رجل غناوي
مقعد الدغيلبي
كم وكم من مرت(ن) قلتلك طو البيت طوه=بين حد من السيوف وبين حد من القناوي
مايجي فالحلم تطمع في خوال(ن) للنبوه=انت راع الفزعه اللي خيبوا فيك الرجاوي
عبدالله الحربي
كان تقدر يا عتيبي كل ما بالراس سوه = ما لك الا النكبه الكبرى وترديد العزاوي
النبي بديارنا وانتم ماجا فيكم حموه = البناخي في ديرنا وانت في دارك خلاوي
مقعد الدغيلبي
وش نسوي في عميلٍ طافيه فالوقت ضوه=لن برك للحمل يرغي وان بغوه يقوم ثاوي
لاتموه عن طريقي يالحريبي لاتموه=ماذكر في حرب شيخ ولاذكر في حرب راوي
عبدالله الحربي
العتيبي تضحك سنونه لكن الهم جوه =علته مافاد فيها لا طبيب ولا مداوي
معجزاتي بالشهامه والكرامه والأخوه =ما فعلها ناقل الثنتين والبشت الحساوي
مقعد الدغيلبي
العتيبي تعرفونه بالحميا والاخوه=وانت شايل علت(ن) جرثومها وسط الكلاوي
معجزاتك يوم تفزع مع مطير وكل بوه=وهقوكم يالحريبي فالهابه والصداوي
عبدالله الحربي
لو تقول البيت مخطي قلت يا رجال هوه = ما احدن قبلي فدا في روحه الجار المخاوي
كيف تدخل بيت ربي لا احترام ولا مروه =يا مكافي كافنا كثر المصايب والبلاوي
مقعد الدغيلبي
لارحل ترحل معه وليا نزل تنزل حدوه=مطعمك من زاده وملحه ومدات الكراوي
بيت ربي محتمينه وانت ماعندك جروه=فالمدينه والحسا وتعوشر بوسط القهاوي
عبدالله الحربي
يشهد التاريخ معنا وانت تاريخك مشوه =عمك جهيمان يلعب بالحرم سارح وضاوي
ما بغيت اقولها مار انت تحداني بقوه =والسموحه يا عتيبه غٍثرب العد الرهاوي
مقعد الدغيلبي
ابن عمي وافتخربه وامدحه صبح وعشوه=ماشتغل فحام في حيد الشعيب اللي سناوي
جوّدوها بالصمغ واحذر تصيح ولاتنوه=قبل يطلع سرها مابين بدوان ووشواوي