ياحبيبي تحسبني يوم اردك ما احبك
لا حشا يالغالي وحبك ملك قلبي وروحي
انتبه ياروح روحي كل من ردك يودك
عارفن دربك ومن خوفي عليك اسهر ونوحي
بس هجرانك هذا في وقتنا مع كثر صدك
هيضت كل المشاعر ثم زادتلي جروحي
بسألك يانجم ساطع فالسما يازين خدك
ليه ماتقبل عشيقن عاشقك خلك سموحي
ونت خابرني وعارف كل من جالك يحدك
قمت واقف وسط صفك والغلا يفوح فوحي
وسط صدري لك مكانه فالحشا محدن يردك
ونت تامرني ونفذ ياحبيبي ذا طموحي
جل من صور جمالك مالقيت احدن يسبك
وعينك اللي صوبت قلبي ياروحي بالرموحي
طالبك مطلوب سامحني وهات الحين كفك
اعتذر لك يالغلا ثم للخطا خلك دموحي
الشاعر /
فالح الدحيلي