[بندر الحافي]

عيال

فيه عدد من الاشخاص

يقولون ما حصل معركة بين الحفاه

وابن رشيد وشمر بصفه عامه

المعركه حصلت في انطاق وانتصر فيها الحفاه

على ابن رشيد

والقصيده هاذي

لجد جدي سعود بن لفاي الحافي وهو من أشهر فرسان الحفاه

والقصيده يوصف فيها احدث المعركه بكامل تفاصيلها

اول كلامـي طلبـت الله وذكــره
ابـدى بذكـره كـل بـادي نــور
يقول ابن حافي بـدى راس مرقـب
في مرقب يبـدي حجـاه صقـور
يـرد مـن زيـن المثايـل وينتقـي
مثل العسـل فـي داخلـي الـدور
كلام احلى من لبن شمـخ الـذراء
لاروحـت مـن حاجـر ممطـور
خيل خيال طلعت الشمـس وامطـر
فعله مـن الـدم الحمـر شختـور
وبرقه من ايمان النشامـا سيوفهـم
ورعده من افـواه السـلاح يثـور
قبلي خشم انطـاق لاطقـه الحيـاء
شمال مـن العـد الهمـاج حـدور
جونا هل العادة تبـارى جموعهـم
شمر هل اللكـزه علـى الطابـور
ورجوا علينا روجة السيـل فالنحـا
وحنـا حديناهـم سـوات الصـور
وكـدوا علينـا ثـم رجنـا عليهـم
واقفت بهم سـرد المهـار عقـوروابن نغيثر طاح منا علـى الثـراء
ومن طـاح فـي الميـدان مايثـور
وردو علينـا رافعـيـن سيوفـهـم
وهج الحـلال وزرفـل المظهـور
واحاطوا بنا قوم تهـاذب خيولهـم
ولجت حداويهـم علـى المامـور
تركض علينـا الخيـل منـا ومنـا
ويطيح من فـوق الجمـال بـزور
ورمينا العمايـم واعتزينـا بحافـي
وثبـت لهـم كـل ابلـج منـعـور
وطاحن جياد الخيل من ضرب لابتي
والـدم الاشقـر بينـنـا منـثـور
وحمـى جوانبنـا سمـار وزايــد
وعيا على التاليـن ابـن صمعـور
وان فكـت اللبـوه بكثـر الرزايـا
وكـل اخـذ حقـه مـن الميسـور
جنايز الظفـران حافـي وشمـري
امسى بها سبـع الخـلاء مسـرور
ياذيب ياللي فيمـن النيـر وايسـره
الحـق جـدى الخيـل يامعـثـور
واكل من الصبيان والجيش والرمك
واليا ضميت اشرب مـن المنجـور
تلقى على الساقه حصـان ومهـره
وتلقـى عيـال لابسيـن كـمـور
وصوت لذيـب يـم حشـت مليـه
وخلـو لغيـاب السبـاع جــزور
كم صاح غب الكون مـن شمريـه
حناهـا طناهـا حنيـت البـاكـور
تبكي على اخوها وابوهـا وعمهـأ
معقب فقصـى الضميـر حـرور
على مورد الهياب جرت صياحهـا
بعد طـاح منـا والرمـك دعثـورمن اولاد حافي لابتي طاح وانعثـر
ال ماقفـا يـوم اللقـاء مشـهـور
واربعي اللي كـل ماقلـت اظنهـم
لكـن يهـدم فـي البـلاد قصـور
عقـب المبانـي والحيـاة الزينـه
راحت مبانيهـم خصـف وخـدور
اهـل مرحبـا وان ليـال شـدايـد
واهل الكرم وان جت ليال عسـور
اليا قلت ياقلبي تريـح مـن العنـاء
يطرى على قلبي سهـل وسـرور
وجهز ولد هزاع واعميـش قبلهـم
واخزام شـوق الجـادل الغنـدور
واحيسفـي يافـرز عيـد القـوايـأ
يوم الـردي عـن خاطـره مثبـور
واربعي اللي كلما جوهـم العـداء
يحطـون فـي عيـن العـدو ذرور
وجدي عليهم وجد من بات ساهـر
يجر العوا مـن عظمـه الكسـور
اخذ ثـلاث اسنيـن وازداد مثلهـا
ومن بعدها طـاح وطلـع مجبـور
والوجد الاخر وجد من بـاع ذمتـه
لقـو عــلاه الطيبـيـن عـقـور
والوجد الاخر وجد راعي سوايـل
اخذها الذويبي من طرف مجـرور
والوجد الاخر وجد من حودروبـه
اهل غل عـدوان القلـوب كفـور
اصابته شكـواه مـن حاكـم البلـد
يسـاق ظلـم وجالهـا شبـشـور
وشدو اكتافه مابـه احـد يساعـده
يـداه مكتوفـه وهــو مقـهـور
واستغفـر الله قبـل تكتـب عليـه
انكان مـن عمـري ماعـد الـزور
وابوخشيم اشـرف علينـا بفزعـه
اواق والـيـا جـونـا مخـطـور
والله مالـوم الاد مرشـد بفعلـهـم
وفـي مثلهـا يستاهلـون السـور
وتمت وصلى الله على صفوة الملاء
اعـداد مايزهـى المـلاء بزهـور

تم التوضيح !!

التوقيع