ياقو قلبك بيّن الحين صده= ماشفت كيف اوجعني بضربه الحاد
ماشفت ضرب سيوفه اليوم حِده=ليتك تحس ابها قويات وحداد
قلبي تقطّع عده اليوم عده=ماظنتي يجمع ويحصيه عدّاد
وان كان تجبر خاطري بالموده=يمكن يوقف قلبي اليوم بعماد
بذلت لك حبٍ وابي منك قده = وان كان ماتقدر نبي منك ماجاد
ماجاك مني غير شيٍ توده= وماشفت منّك غير صدات وعناد
ما شفت غير همومي المستجده=وحاولت اعالجها بصبري ولا فاد
همٍ اقول وهمٍ ازري اعده=وهمٍ بشيله في الضماير ومعتاد
وحالي تراه اليوم قرب مهده= ماعاد تمسكني مرابيط وشداد
اشيل في قلبي وهو باح سده= ومن وين ماقفيت للهم طراد
الله على حالٍ ضعيفٍ تكده= صروف الليالي والبهاذل والانكاد
متى يجي يوم سعيد(ن) نعده= ونعيش باقي العمر افراح واعياد
تقبلوا اطيب تحياتي