رمــاد
رمــاد .. رمـــاد
شوفي رماد .. دمعي رماد
الضي فعيوني رماد
مافيني أسأل أو أعاتب واشتكي
قولي هجرتك .. تكفي عن كل الحكي
وش يبقى من طول الجفا وجمر العناد
إلا البعـــاد .. رمــــــــاد
رمـــــــاد
الليله في شي انكسر
أو كل شي
الليله من حزن السفر .. مافيه ضي
مدري صحو .. مدري مطر
يبكي الحكي .. ويبكي النظر
ودعتك الله سافري وين ماتبين
الحب يكسر خاطري وهو حزين
ودعتها ضيعتها عمري الجميل
ناديتها .. حاكيتها .. بعد الرحيل
ردت على ف الصمت صمت
وف الليل ليل
ودعتها وكانت جروح
وماقالت اصبر لاتروح
رمــاد .. رمــاد
بدر بن عبدالمحسن