السلام عليكم ورحمة الله وبركاتة
اطرح بين يديكم هذي القصيده البسيطه واتمنى انها تنال على اعجابكم
واعذروني على الاخطاء الاملايه
طعن الشعور ولوعت الحرمان وهموم الليال=متجمعه فوق الخفوق الي زمانه يكربه
وانتي معاهم زدتي الطعنات ياشبه الغزال=خنجر غيابك وسط صدري واردن في مشربه
بالله انا بسالك ياضي التغنج والدلال=يم الجمال الي تعلا بالصبايا منصبه
ليه الجفا يابنت من عقب التقارب والوصال=ليه الغلا والشوق حول عن معالي مرقبه
ليه احتطبتيني وانا مانيب ناقص لشتعال=بعد اقتطفتي من غصون الحب محصول عنبه
ليه حتديتيني على الدرب المغطاء بالرمال=وارضن من ازهور الحنان الي نبيله مجدبه
كانك نويتي تحذفيني في مغبات الهبال=ذاك الهبال الي دقايق عيشته لي مكئبه
بمشي على درب الوداع الي تعرضه الجبال=واصبر على ليل الطيوف الي توايق مرهبه
بعانق الحظ الشنيع الي على دنياي جال=مثل الغيوم السود في عالي سمايه مقطبه
والحين هذا قول تركي وانتظر منك المقال=اما يجيني سالبه ولا يجيني موجبه
تقبلو تحياتي / ابو فيصل الدلبحيآخر تعديل أبو فيصل الدلبحي يوم 03-Jul-2008 في 03:45 PM.