[خيال الصفرا]

كون سعود بن صالح بن فريح بن عقاب بن سعدون العواجي راضي بهذا ليس معناه انه له الحق في الموافقه والاعتراض



كلام سعو يعبر عن نفسه فقط وعن شخصية سعود ورأيه



عقاب العواجي من فريس عنزة المشهورين وكلنا نفخر بعقاب العواجي

صحيح ان سعود من عقب عقاب ولكن مع ذلك هذا لايتيح له حرية الموافقه او الرفض


حنا ياعنزة نرفض هذا العمل بشتى انواعه ،،


الهدف مادي بحت من وراء شهرى فارس عاش في مامضى

لا وا حسافه صاروا شيوخنا بقبورهم وسيلة لكسب المال


لو كان سعود مايبي الفلوس غيره يفكر بالمال

وكما قال احد الاخوان بمنتدى عنزة سعود له الاحقيه كقانون ولكن كحمية عل عقاب وعلى عنزة لااعتقد

حنا نرفض من باب الحمية على قبيلة عنزة ،،لايستطيع سعود او غيره ان يمنعنا ان نحامي عن عقاب

اصحاب الحمية اولى بعقاب من بعض الاشخاص حتى لو كانوا من نسله

وللمعلومية الممثل رشيد عساف وطقته ،،لا وكاتب القصة شمري

يعني ضاقت ان مافيه احد من عنزة يجي شمري يكتب لهم

خلونا نكون واقعيين الشمري يبي يحامي لحساب قبيلته واخراج مسلسل عقاب العواجي ينسف تاريخه المعروف


اما الممثلين ياحليلهم ،،

( شو مالك يازلمه ـــ عونك ياعمي الشيخ ـــ وبيت الشعر خرق مقطعه وـــ والا

نظامه من شنق واحد ماهو مثل بيوت عنزة

يعني جايبين مخرج وجايبين مدقق لهجات

هو المدقق براسه يبيله اللي يبي يدقق وراه



يضحكون علينا لهجة عنزة صعبة

اخاف يخلون سعدون يتكلم بلجهة شمر


لهجة شمر تختل فعن عنزة لاسقاطهم تاء التانثيت

مثل بناي ،،،، الطويلاه


يعني الطويلات

والا (بُـــه ) بضم الفم كاملا



وش نوحوا يابعد حي





الورعان التالي اللي طلعوا مايحتسون بهاا

خل عاد جايبين لي اردني وسوري فلاح





لو اجيب سعود بنفسه مايقدر يتكلمها لاني اعرف انه عايش بالرياض


والله ماسديت السالفه ، ارا راع الصفرا...زلمات تمثل شيوخنا


وبعدين وبما اني هنا بمنتدى عتيبه احب اوضح شي


يعني تعرفون ياعنزة ان اهل الرياض يعايرونكم سوريين

وقبايل نجد الجنوبيه واهل الجنوب عندهم نفس الانطباع هذا


سوريين سوررين من هالكلام

فاذا جاء المسلسل صارت الطامه الكبرى اخذوا عن عنزة انها مجموعة سوريين

رغم ان عنزة مايعيبها هذا لكن ليش الناس تاخذ انطباع خاطي عنا


بسبب مجموعة شوايا بالرياض فقط وبالرياض اقول لاني ماليتهم الا بالرياض وكل من جاء يقول عنزي فضحونا بعض الشيوخ الله يهديهم


الشيوخ الله يهديهم وقعوا لكم شاوي يجيك من تشوفه وجه تحلف ان ماجابته العنزيه



من باب بغداد لباب المدينه ـــ تلقى بني وايل على الكود صبار


صحيح عنزة موجودة بخيبر والعلا وتيماء وتبوك وديارهم بنجد غرب حائل الين ماتطب الحجاز المضاويح والعذيب والحجر

والقصيم والحفر والجوف وعرعر وغيرها الكثير اللي مايحضرني والعراق وسوريا وبعض مناطق الاردن

فالقبائل الثانيه عندهم انطباع عن عنزة انها جايه من سوريا مايدرون ان عنزة موجودة بالسعودية اكثر من غيرها
وهذا للاسف من جهلهم

طبعا فيه ناس عارفه وفاهمه مايحتاج اقول لكن الغالب الجهل ان محد يدري





اضف الى ذلك ان حياة البادية لم تخرج بشكل صحيح


لم يأتي مسلسل يصور حياة البادية بشكل صحيح



يعني جميع المسلسلات البدويه كانت تخرج ناقة وحده والا ثنتين والباقي الحلال غنم هذولا شوايا


عنزة اهل حلال اهل اركاب واهل جيش والغن مايخذونهاالا القليل القليل


يعني هالمسلسلات بنيت على صورة خاطئة فهي لذلك تستوحي الصور والحياة من بعضها وهي لاتشكل اي شي من حياة البدو اللي نعرف



هل سيظهرون خيل عنزة وهل سيظهرون ابل عنزة وحياة البدو شد وترحال


ومظهور يجيك يحجب ضو الشمس


والا بعيّرات جرب يحطونهن وهودج عليه بنت ( كالمعتاد )



وشوية غنم دعم

وغدير ياعمي الشيخ غدير ويقابل عقاب نوت على الغيدير ياعمي الشيخ



ويحبها


لاينسون ان ديار عنزة بنجد تختلف

بيضا نثيل النفود حزابه

يعني لما عقاب رجع لنج لنجدة ابوه كانوا على الحيزا


الحيزا مورد بالنفود شرق تيماءهل سياتون بتصوير مسلسل في مثل هذه البيئة


لا اعتقد


اعتقد سيكون التصوير بسهال او حماد كما هو الحال في جميع المسلسلات

فالبيئة تساعد على التصوير ليست مثل الدحال يكون العمل صعب فيها

وراح يدورون الهين اكيد

حياة البادية وخاصة عنزة صعبه

عنزة اهل ابل يمارون بقني الابل بل يمارون في تربيتها غيرهم ولهم قصص يشيب منها الرأس

هل سيطبقون واقع حياة الابل وتعامل افرادها معها؟؟

والخيل كذلك

الاجابه نشوف تسنا حيين برمضان

آخر تعديل خيال الصفرا يوم 30-Aug-2008 في 09:07 AM.