[الحبابي القحطاني]

المشاركة الأصلية كتبت بواسطة عبدالرحمن الهيلوم

الحبابي القحطااني


غالي ومن غالين

ونت رجل وتعرف منتديات القبايل ونا اخوك غثها اكثر من سمينها

انتم اعوووال العود وتاريخكم شمس نهار ماتحجبه يد
وتاكد ونا اخوك انا وياكم والله محسوديم من كثير

وبعدين
تري بعض مايكتب في منتدانا ومنتداكم بخصوووص مواضيع اثارة الفتن اجزم انهم من خارج السرب

والشكوووووووووووووووي لله يالذيب

وش يقول ابن مسعف في كتيبه في تبوك //


ياليتني اعتيبي خوااااله قحاطين
ولا اقحطاني (ن ) خواله عتيبه


وعزيز ومحشوووووووووووووووووم

وحيااك الله


وبلغ سلامي للغالي // خشم طويق

وبوووو مالك
والغالي جدا جدا // خالد بن محمد

أرحب تراحيب المطر يا عبدالرحمن الهيلوم

وأنت قرم من سلالة طيبين

وبيض الله وجهك ,, وجمل حالكــ ,, وجعلني ما أعدمكـ

وبالنسبة للمنتديات فأنا اقول من الأفضل لنا ولكم , أن لا تكون الصلاحية في الكتابة في القصص القديمة لجميع

الأعضـــــــاء ,,, تكون لناس محددين ,. ناس ثقة ,, ناس كبار ,, وكل (ن) كبير , ففي واحد عمره 20 , وفي 40

والأعقل دايما الكبير .. أما إن كان المشكلة من المشرف وهو كبير فأغسل يدك

وإنت مثل ما قلت مشكلة المنتديات مشكلة ,, وحنا يا قحطان وأنتوا يا عتابه محسودين ,, وإن قلت لهم ليش الحسد

قالوا أنتوا قبيلة معروفة أو كبيرهـ . أو عريقة , حنا .............. ( كمل الفراغ )

ودايما هي تجي من جاهل أو واحد أكلته الحميا أكل .,,, لين صار مهبول ,, يبي العز لقبيلته والباقين على الأرض

والحمد لله أنا قرايبي عتبان ,, ولي الشرف بس ما يصير يجي الغلط من ناس ما تستاهل ناس جهاال ناس ما عندهم ذمه

بإسم القبيلة كاملة ,, بإسم عتيبه ,, والله أنا حتى ما أرضى الغلط لكم

فالمنتدى هذا ولله الحمــد منتدى من أكبر المنتديات الخاصه بقبيلة عتيبه ,,, فيا ليت يكون هناك حرص أكثر من

صاحب المنتدى ومشرفينه وأعضائه ,, على مثل هذه الأمور الحساسة التي لا تتحمل الخطئ ولا أحد يرضاه

وفي النهاية تقبل تحياااتي الحارة لك ,, وشرفني الرد عليك يا الهيلوم

وأنا أقول مثل قال الشاعر :

اليا جا طاري الهيلا ** يفز القلب فزه شوق

والله يسلمك وإنشاء الله يوصل سلامكــ ,,,

أخوكم / نواف بن صالح الحبابي