[عبدالله القثامي]

بسم الله الرجمن الرحيم
اخواني واخواتي مشرفي واعضاء وزوار
هذا الصرح الشامخ
اقدم لكم هذه المصافحه وهي من قدييييم الشعر وارجو المعذره

حن يا زير الهواجيس وأعرض يالقصيد= خلها عرضه وقلطه ونضم وعبري
يا هواجيس القصايد عن المجد التليد= وأزهري ياطيب غصون الحضارة وأثمري
اييه يا ليل المعاند ويالوقت العنيد= ابرقي ثم أرعدي يا مخايل وأمطري
أمطري والله ما مد بالمد الزهيد= ألزهاده عند أهلها وأنا طبعي ثري
بالفوايد ماطيب اللي يفيد ويستفيد= مدتي لقصى عطارد تكيد المشتري
حضري يا شيخة الغيد كل الوقت عيد=كان ما لبسك تاج الذهب ويش أحتري
ما جمعت من الفرايد يكود أطيب فريد= مير قلبي من هموم الدهر ماهو صري
والغريب إن جرح الأيام ما جاله صديد= احد يدري وأحد عن سر وقته ما دري
وأنت ياللي طال نومك وجرحي في الوريد=لا تقول الجرح يبرى وجرحي ما بري
والحلول اللي تبرا بها من كل كيد= لاتبرى يا حبيبي ترى منته بري
ادري انك لا شهامة ولا رأيٍ سديد= بين تجميع الخطايا وترقيع الفري
كل يوم ونار الأحقاد يا هل من مزيد= والهبوب تلوفها والهوى يجري جري
ما كذب اللي قال ما للحديد إلا الحديد= والخلاوي نجم ضاوي وزينب عسكري
اااه يا بعد السماء والسحاب عن الصعيد= والسحابة لو تهل المطر ينبت شري
والعباد تريد والله يدبر ما يريد= وردي يا أغلى هواجيس شعري وأصدري
المصيبة كيف اضريك يالضبي الفريد= كل ما قلت ادعج العين يضري ما ضري

التوقيع

القاف لن باحت قوافيه ينهار= يشيب لاكنه معي مايشيبي وصرفت من بالي تصاريف بيطار= ينقد مثامين الكلام ألأديبي وبنات فكري بالمثامين تجار= وعلي مايصعب صعيب الصعيبي ولأقول ما غيري من الناس شعار= لأكن ميزة شعري إني عتيبي أسمٍ بنا في عالي المجد ميكار= عز الرفيق منزحين الحريبي