بعد التحيه اتمنى لكم التوفيق,,,
ياويل قلبي من الفرقى وياصبره=وياصبر قلبي على الفرقى وياويله
ياشين وقتي ووجه الحظ ياغبره=اليا زهمته لقيته باردٍ حيله
يامسبب الجرح جرح القلب ياكبره=وانا أحسبك ترحمه واثرك ناويله
بيدك قتلته وبيدك حافرٍ قبره=ومن قسوتك شيعه ويدينك تشيله
العظم لوينكسرتعديله بجبره=الموت كسر المشاعر صعب تعديله
وان كان جف القلم مااسعفني بحبره=بدلته بدمع يحكيلك وتحكيله
والياتماديت بالتجريح باعتبره=دورٍكشفته ولو تبدع بتمثيله
لأن قلبي كسب من وقته الخبره=مايلتفت للمقفي لويناديله
واليا جفاني زماني وشهي الدبره=يحط جفواه مع ضكة مهابيله
من عاشقك كل عاشق يآخذ العبره=مدام عاشقك ماجفت مناديله
والحزن ينسى ليامن جفت العبره= أنساه لو اني اغني مواويله
والثوب لامن لبسته مانفع شبره=لاصار ماتشبره قدام تفصيله