[خيال الشرفه]

المشاركة الأصلية كتبت بواسطة الشطيطي’

خيال الشرفه


نعم هذا فيصل الدويش الذي سطر التاريخ فعله

بحروف من ذهب لن تمحوها السنين

ولو حاول المغرضين تشويهها


وهذه قصيده لشاعر / حنيف بن سعيدان

لاقيـل ويـن مطيـر واخفـن الارمـاس = بـالـراس بـيـن محقـبـه واللهابــه
كزوا لهم مـن غـب الأمطـار عسـاس = وتباشـروا بالصلـب كـثـرة شـرابـه
وتقـودوا فرسانهـم قحـص الأفــراس = وحطـوا جنيـح شـدة(ن) مـن حرابـه
يتلـون ابـن سلطـان قطـاع الأرمـاس = ديـن(ن) علـى ولـد الدويـش ووفابـه
يقدا جمـوع(ن) كنهـا نـاب الأطعـاس = وصـم الحـوافـر ماعرفـنـا حسـابـه
أسم(ن) على جسم(ن) وفعل(ن) على ساس = وفعل(ن) قديم(ن) من عصـور الصحابـه
ياشيخنـا مالـك حلـي(ن) مـع النـاس = كونـك صبـاح وكـن غـيـرك نهـابـه
كونـك كبيـر ومنـه الأجنـاس تقتـاس = لاواجــه الطـرقـي الآخــر حكـابـه
مثـل نهـار(ن) يـوم الأريـاق يـبـاس = مـن ذاق ضـرب أيمانـهـم ماسعـابـه
خلـى علـى ضيانهـم حمـر الأكيـاس = والبن الأشقر مـا أهتنـوا فـي شرابـه
ولايزاعم الدوشـان كـود أنقـر الـراس = واللـي يزاعمـهـم تـراهـم عـذابـه
أمهارهـم فـي غبـة الكـون غـطـاس = وأيمانهـم تـرمـي العـشـى للذيـابـه
لباسـة الماهـود والــدرع والـطـاس = ومصقـل(ن) تـدنـي المنـايـا ذبـابـه
يجلي عن الكبـد الصـدى سلـة المـاس = يـوم(ن) تقطـع بالرضيـمـه ضبـابـه
من ضرب علوى خيلهم تمـرس أمـراس = أمـراس صيـد(ن) مقتفيـتـه ذيـابـه
ماعفتوهـن عنـد زيـنـات الألـعـاس = وعنـد البكـار اللـي لهـن أنحطـابـه
عدونـا يصبـر علـى كسـرت الـبـاس = وصديقـنـا يفـتـق زرار الـحـرابـه
والذود عله فـدوة(ن) لـك عـن البـاس = ياشـوق مـن كـن الزهـر فـي لبابـه

وهذه القصيده في رثاه قالها معدي الزعبوط الديحاني المطيري



الله من قلب من الضيق مشحون ** مثل الصميل الى انشحن وانتر ماه

ايضا وعيني دمعها غرق النون ** وعزي لمن صار البكا راس جدواه

بكيت مثل اللي مقلن ومديون ** باع الحلال وباقي الدين ما وفاه

أذكر مطير اللي لهم فن وفنون ** سكن الخلا لوهو مخافه ومضماه

ذكرت دوشان على العلم يمضون ** حماية الصمان من كل مجهاه

اللي ليا قالوا جواب يتمون ** قولن وكيد وكل الامات تدراه

واصل مخليت الحرابه يجضون ** حوفان وظفورن على الخيل وعصاه

الى اوحيتهم وسط المجالس يهرجون ** قالوا هذا غاره وهذا هجدناه

وهذا صباح يوم الامه يصلون ** يومن كلن باحسن الحمد يقراه

واذكر حصان حد وهمه يشوفون ** والكل منهم ذل من مثل ماجاه

نحاز الحريب الي كبا كل ممهون ** يقدى جموع وتورد السوء يمناه

شيخن على صفق الاجانيب مفتون ** يا بعد صفقاته للاجانيب بعداه

الى شاف لمات العرب تقل مجنون ** يصفق هذولا ثم لد لهذولاه

من جيلنا التالي الى جيل هارون ** والله ماشيخن يسوي سواياه

مطير عقبه هقوتي مايعيشون ** من بان راس الذل من قطع علباه

ياليتهم عقبه بنقره يموتون ** الموت اخير من الحياة المهباه

الله يرحمه ويسكنه فسيح جناته


خيال الشرفه

بيض الله وجهك يالقرم على هذا الموضوع القيم

لهذا الرجل الشامخ بشاعته وتاريخه

تقبل مرور واحترامي

وبيض الله وجهك يالشطيطي ..........وشاكرلك على الاضافه الجميله .....