السلام عليكم
أهدي لكم هذه الأبيات التي لا أعرف قائلها
ولكنها أعجبتني كثيرا ًمع تحفظي على بعض الأخطاء
وعدم ضبط وزن بعض أبياتها ونقلتها كما كانت (نسخ / لصق / فقط)
مرت تجر العطر والثقل والزين = وانا مثل كل الشباب وقفوله
عطره يذر العطر على البساتين = ثقله يسولف عن نسب عن حموله
فستانها داير بخصرة من اللين =وخصره من الفستان ياخذ عموله
عز الله اني حاسدك يالفساتين = ياحضك بخصره بعرضه وطوله
بعيونها سيوف العرب يوم حطين =منها النفاذ بجلد قلبك بطوله
اقفت وانا عيني عليها لهالحين =مالوم عيني ياخذ العقل زوله
ناديتها يامترفه وبطرف عين=قالت انا قلت ايه قالت اموله
اموله ميه مرحبا قالت اهلين=أموله عندي بيت ممكن اقوله
قالت لى قوله قلت الانسان من طين =اما انك انتي طين ماهي معقوله
أنتي اظنك بالعكر تستحمين=وأجزم بانك بالجمال مغسوله
شوفي شكل شفايفك قاهر التين=والجمر يكوي والثمان معسوله
أموله انتي غير كل المزايين=أنتي مثل فصل الربيع وحلوله
قالت منين وقلت له يعني منين=ماتعرفين اللى ذبل من ذبوله
قالت وشسمك بس تمتمت ميمين=واخر ثلاث حروف دوح مغيوله
قالت معي للقاهره قلت له وين؟=عادي تقول القاهره بكل سهوله
امل انا رجال بلشان بالدين = ويني ووين القاهره يامهبوله
اقساط وحسابات والراتب الفين=وحزمه مشاكل اتعبتني حلوله
اموله روحي لازم انتي تروحين=انتي المطار مصاحبك من طفوله
وتذكريني عند الاهرام تكفين=وتذكري حال النحيل ونحوله
اموله انتي تذكره لاتحجزين =روحي كذا تستقبلك اي دوله