[السميــــــري]

أرجو تنال رضاء ذائقتكم ..

بردّت غلّي وأنا اللي ما برد غلّه = يالين ورّدتها من بين حجانه !!
ياسامعي كان جيت ( المنتــظر ) قله = قله ترى بوش عاد اليوم لوطانه
والبيت الأبيض ماعاد اليوم بيت لّه = من بعد ما صار له بين (الحذي) خانه !
وعلم (أوباما ).. يحسّب الدار محتلّه= قله ترى الغازي مطويات(ن) أكفــانه !!
لو نقبل الموت / ما نحيا على الذله = عان العراقي رئيس أمريكيا هانه ..!
في يوم رابع عشر ديسمبر أُرسلّه =( هديــة موادعة ) تصرف على شانه !!
كل القنــوات ذاعن له وبثّ لّه = والعالم اليعربــي ضاحكةٍ أسنانـــه !
خله .. ترى باقي(ن) له غيرها .. خله = يازين راسه وراس المالكيْ وزانه
واليوم بعد الحدث يرتاع من ظلّه = قلــبه من الخوف طق الدم شريــانه !
وآخر خبــر في القنـــاه اليوم معلن لّه = لا عاد يدخل مراسل معه حذيانه ..!!!
يموت .. يحيى .. / وتبقى دوم بسجلّه = ولا يمحي الوقت مادارت به أزمانه

!

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع