السلام عليكم ورحمة الله وبركاته
بدون مقدمات
( يارياجيل اللوازم )
ياعتيبه يارياجيل اللوازم= يهل الوقفات يابيت النعاره
مارضينا بالغلايب والهزايم = ولا قبلنا فالسمين الا فقاره
ولا خبرنا فالمواقيف نتعازم = يدعي الرجال دمه والجساره
الخناجر لاتجبي فالمحازم = والخبر لاياخذ الجاهل قراره
افزعو لسعود والميقاف لازم = فزعةٍ لسعود هي راس التجاره
وخصو المرقاب ورجال العوازم = مثل ابو فيصل وحنا فانتظاره
الجمال اللي لها مده ترازم = ان تركناها ترازم ياخساره
قالها الحافي وهو طامع وجازم = في راياجيل الوفا بيت النعاره
ابوحدين
( بدر ابن مجلبه )