قصيدة نادره في الامير طنف بن حريبيش من مشايخ قبيلة الجعده من عتيبه توفي عن عمر يناهز 120 سنه في عام 1410 هـ تقريبا
وحقيقه لم اهتدي لاسم قائل الابيات ولكن يبدو لي من ابيات القصيده انها ابيات امراءه تعشق الامير طنف بن حريبيش وتعشق اخبار مراجله
وكرمه لذلك كتبت فيه شعرا
بالله ياواصل طنـف رد الاخبـار=رد الخبـر عنـي وبالله سيلـه
رسم بقلبي حبكم يا جبـل شـار=ياحر من روس الحرار الاصيله
واش علم قلبي يسهر الليل سمار=ولايهتني وسط النهـار بمقيلـه
لايسمع العاذل ولا يقبل اعـذار=يمسي ويصبح والطواري تشيله
وانا دريت ان لك عن دارنـا دار=وان لك عنـا فالقبايـل قبيلـه
لكن هذي من تصاريف الاقـدار=ولااظن في تصريف الاقدار حيله