عنـاد الحزيمي
سلام يامعجب كبير القوم يارمز الكـرم=اليا قرينا اسمك شليويح العطاوي نذكره
انا نصيتك بالكتاب اللي مخطط بالقلـم=وان ما قدرت تنقحه حنا ترانا نقـدره
معجب العتيبي
يامرحبا ترحيب وصحيبك على قد العشم=وصحيبنا لاقدّم الجزله نقـوم ونشكـره
اللي يقوم بواجبه ياصاحبي قل لـه نعـم=واللي قصر عن واجبه كل الخلايق تحقره
عنـاد الحزيمي
دام البقاء والسالفه ماهيب تخلق من عدم=خابرك حلاّل الصعاب ومعك عزم ومقدره
القوم تنضر للأسامي والحزيمي مفتهـم=وانته ليا منك حضرت علومهم مستنكره
معجب العتيبي
ياعناد قبل اسمع كلامك كيف اقول ابشر وتم ؟=والناس تجهل مطلب الطالـب قبـل لايذكـره
الاوله مثـل العلـم مثـل العلـم مثـل العلـم=والثانيه وقف قبل تنطـق وشـوف المنظـره
عناد الجزيمي
القصد واضح مير يبغى لك مترجم بالعجم=بعيركم يبى شداد ٍ ما يزل اعـن اضهـره
ان قلت ماعندي شداد اقول ياكبـر الألـم=العبد لا منه دعاء من ضلم .. ربك ينصره
معجب العتيبي
ياعناد في وسط البحر لولو ومن عامه غنم=واللي يدور للغنيمه جابهـا قبـل شهـره
ماقول ماعندي ومن يظلم نقول انـه ظلـم=راجع حروفك واخذ في يدك القلم والمحبره
عناد الحزيمي
البحر ما فاد الرجال اللي يذريها السلم=لو عمرها كله تلف النيل وتجوب انقره
ابليس هيا لك علوم ٍ كلبوها من وهـم=قمت اتحجج والأمور فوسط يدك ميّسره