[علي فلاح العضياني]

السلام عليكم ورحمة الله وبركاته


أضع بين أيديكم هذه الابيات المتواضعه ءامل أن تحوز على رضاكم

ياللي تضيوق كل مرّه و نرضيك= إليا متى نرضيك في كلّ ضيقه
تطوّرت لين أصبحت عادةٍ فيك=طريقةٍ يا شينها من طريقه
أنته معك في داخل النفس تشكيك=ترضى و تزعل بعدها في دقيقه
هذا مرض نرجو من الله يعافيك=من شيّ ما يوزم تولّع حريقه !!!
لكنّ عدّل منهجك زال يمديك =واتبع سلوم أهل السلوم العريقه
لا يمتلي صدرك هموم و دواكيك=حكّم ضميرك فاكتشاف الحقيقه
ابليس لا تسمع كلامه يغوّيك=لو يامر بقطع الحبال الوثيقه
حنّا ترانا ما وصلنا لهذيك=مهما حصل بين الرفيق و رفيقه
و إن كان ما تقدر تعزّز مباديك= الله ما كلّفك مالا تطيقه
من جا نقول اقلط عسى الله يحيّيك=و من راح جعل الله يسهّل طريقه

التوقيع

(( رأس الحكمه مخافة الله ))