[طائر الاشجان]

انا من وجهة نظري

علشان يكون الشاعر ملك المحاوره لازم يكون عنده صفات كثيره مميزه مايكفي الجزاله في الابيات ,, لو على الجزاله بتحصل شعراء لليل واي شاعر مهما كان حجمه له طلعات ونزلات

وش الفائده من شاعر مثلا جزل تجيبه في حفله وقدام جمهور وهو ثوبه مليان دمن غنم ولا يعرف يغني غير كم لحن وهو شاعر يتميز بالجزاله فقط ولا عنده اي صفه ثانيه ,, بمٌوت الحفله وتموت معاه ويمكن محد يشيل ابياته والدليل في شعراء بعضهم شيبان كبار لسى عايشين لكن لو تجيبه في حفله مايشلون الصفوف بيته لاصوت ولا شكل ولا جديد ,, مع انهم افحموا مطلق وصياف والمسعودي والجبرتي بشعرهم

لكن لو جبت شاعر جزاله في ابياته وجديد في اسلوبه ومتنوع ومجدد للاحان وشاعر يفاجئك بردود غير متوقعه وشاعر قناص ذكي في اصتياد الثغرات وحضور قوي وصوت مقبول تسمع مته ابيات الحكمه وابيات الفكاهه وابيات الخصم القوي متنوع ومتجدد على طول

هذا الي يستجق يكون ملك المحاوره وكل هذي الصفات في حبيب العازمي ,, صحيح ممكن الزلامي ومستور اقوى شعرياا لكن فيه صفات في حبيب غير موجوده فيهم وفي الشعراء كلهم

حبيب العازمي في كل حفله او خلونا نقول في كل صيفيه تسمع منه لحن جديد ودائماا اذا حضرنا حفلات حبيب احصل جايب الالحان واقول في بالي الظاهر انه في كل حفله يألف لحن ,, طبعا مستحيل يألف في كل حفله لحن لكن الرجل متجدد ويخليك تحس انه كل فتره بشكل واسلوب مختلف وفعلا يستحق ملك المحاوره بشعره وصفاته الكثيره الي مايملكها غيره

هذي وجهة نظري

آخر تعديل طائر الاشجان يوم 02-May-2009 في 02:12 AM.