اعضــــــاء هاذا الصرح الشامخ
مساكم الله بالخير
عن الغــــياب هاذه القصيده عسى ان ترتقي لذائقتكم وتنال استحسانكم
لاوالله الشعر تالي راح فـي يدهـا=من يوم هبٌو عليه اخبول خلق الله
ولاهي غريبه ليـا منٌـه توسدهـا=دامه رهينه في حكم اللي سطا غله
مثـل المطيـه وراعيهـا يرددهـا=ومن كثر ماردها هجت من الذلـه
احـدٍ يحدربهـا واحـدٍ يسندهـا=واحدٍ رعى الريم واحدٍ راح للخلـه
يالله دخيلك من الهزله وقاصدهـا=لو زينٌت بالورود اتحـط فالسلـه
سوق الحداثه بكسب المال موعدها=وجاتك مهابيلها شلـه ورى شلـه
الي يقول السماء طاحت زوايدهـا=والي يقول البحر مايحتـرم ظلـه
بـلاه هـاذي قصيـده يامعقدهـا=وشلون غنيتهـا بافكـار منحلـه
خسارةٍ واضحه لو جيـت فايدهـا=ماتكسب الي بلا مذهـب ولاملـه
ركيكة الساس ماتثبـت قواعدهـا=العمر يومين ثـم تجيـك منهلـه
وانكان ماهمتـك ينقـدك ناقدهـا=الناس من طبعهـا ماتقبـل الزلـه
قنـاة الاوهـام مانعـرف ترددهـا=والي يبا الكيف يلقى الكيف فالدلـه
وان طعتنـي خلهـا للـي يفندهـا=الي تعب لاجلها وتجيه فـي حلـه
الي ليـا هامهـا غنـى فرايدهـا=امثال ابن عون كنق الشعر عبدالله
قصايـده كنهـا تعلـن تـوددهـا=على سموع العرب ماصابها خلـه
والي يريد الحقيقه مـن موردهـا=جمهورنا شاهـد الضايـع وطبٌلـه
الاقليـلٍ يميٌـز فـي شـواردهـا=ولا اكثره صدق يجهل دقه وجلـه
مدري بس المشكله لو جيت احددها=تشعبـت والتشعـب علتـه علـه
وختامه الشعر والله راح مع يدهـا=ابيـوتٍ مجبـره وافكـار منحلـه
وسلامتكم