حياك الله ياشبل والكارثة في البيت الثاني في بداية الطاروق لعبدالله وهو
يابن عـطالله علـم الحـداد وش كثـر الحديـد=يالشاعر اللي (( تعرف ))الفزعـه (( ولا )) تومـي لهـا
وهي حاجة او معروف سووه ربع تركي وجاء موقف لربع تركي ولانفعهم تركي وش هو الله اعلم
الشي الثاني تركي مايدري هي محدرة ولامسندة والمفروض ينقض معنى عبدالله يوم قال
الدوله اللي عمرت بمعاويه مدري يزيـد=انته توحها على وجهيـن وتوحـي لهـا
رد تركي على هالبيت المليان
ذكرتني يا صاحبي في عصر هارون الرشيد=قدام لاتدفـن زبيـده فـي مقابـر جيلهـا
تركي هنا مانقض معنى عبدالله ولاهوب يمه نهائي
ورد عبدالله كان
اظاهر انك تنتهي وترد عمرك من جديـد=لكن لاتعكف على الاصنام وتصلـي لهـا
يعني ياتركي مع هالمدة اللي تلعبها في الميادين ماتعرف المعنى كنك ساع بديت لكن لاتستمر على النهج اللي كنت عليه لانه مانفعك في الشعر
وبيت عبدالله الاخير واضح
انته بعلم وعلم ماشي فايده وش تستفيد=بعض الحموله لاتحملها ولاتحبي لهـا
يعني بالعربي الفصيح تركي في هالطاروق خارج التغطية
وخالك ان كان قايلك انهم يالعبون على معنى ويفتلون وينقضون الاثنين معاني بعض سلملي عليه وقله يريح مخه من الشغله كلها