[مـــطلق عـــوض الـــعتيبي]

السلام عليكم ورحمة الله وبركاته

هذه القصيده مهداهـ إلى

الشيخ / جـامع بن عبدالعزيز آبن جامع ( حفظه الله )

شيخ قبيلة الروسان من عتيبه وأمير الفوج الخامس بمنطقة القصيم

قلت الإيمان ودروب الفشيله

مذهب الغاوي وانا مانيب غاوي

اعتنز بالله على حملي واشيله

مـحتري فتوى مروجة الفتاوى

شرهة النقاد ما تلحق دليله

تلحق اللي دونها بالعزم ثاوى

سم ياهاجوس شعري ويش هيله

سم وانته من بحور الشعر راوى

كان ما طوعت فالشرد الاصيله

قفل الموجه على لحون الغناوى

عادتك لاصدت ماصدت الهزيله

تلقف الجزله مثل لقف النداوى

جمّـل اللي لاذكر راعي الجميله

فز يوم انك على الثتنين قاوى

شيخنا وان جيت ابا ادور بديله

فاز بالطالات والبشت الحساوى

شيخنا جامع ولا نلقى مثيله

كم ضفى بشته على دخيل وجلاوى

فيه من عبدالعزيز أبقو حيله

وفيه من عبدالعزيز انه رهاوى

وفيه لا حضرت مواقيف القبيله

يصبح المحتاج من جوده غناوى

سيدي ماشاب قافي وانت سيله

عد سيله سال مع كل النحاوى

الشـاعر / مطلق بن عوض العتيبي