النشمي =
نادو سعود العصيمي ياعسى فالامر خيره=ودنا نسمع علوم سعود من كل النواحـي
الحمل مصلوب مار سعود ماضوى بعيره=والحقيقه مانشته وين غاب وين راحـي
سعوود العصيمي =
يامناديني وصلتك بالسـلاح وبالذخيـره=والوعد مابيننا يابو فهد نور الصباحـي
يامدور للجمل عان الجمل تسمع هديـره=وان بغيت العلم الاخر جاك ياطير الفلاحي
النشمي =
من صلاة الضهر مزعجني ولا ريح ضميره=كنها حفلة تحـدي بيـن ملفـي والرياحـي
ماعلانى من سمير ولا علانى من سميـره=عذرواقبح من فعل ويعرض الصايح صياحي
سعوود العصيمي =
ماحصل منا قصور ولا رضينا لك كسيـره=مع سلوم الناس ياقرناس نسعى للاصلاحي
ماعلاك ولا علينا فالمواقيـف الخطيـره=انبغيت العلم يصلح وانبغيتوهـا رماحـي
النشمي =
سيف مايقوى السيوف الحدب خله في جفيره=مايفيدك ياسعـود ولا يحقـق لـك نجاحـي
من مشى يمشي يابو طايل على علم وبصيره=مار دوك اشرب يابوطايل من الجم القراحي
سعوود العصيمي =
لاتدور سيف غير سيوفنا في كل ديـره=العصيمي والثبيتي كلهـم سـم ذحاحـي
لاتعلمني وانا اللي جامـعٍ بـر وبيـره=وانت وارد هيت مانته واردٍ عدٍ ضحاحي
النشمي =
لا تغير علم واضح ياسعود بعلم غيـره=والله انه مايطير الطير مكسور الجناحي
الغناوي في غنا عن مدة الناس الفقيـره=وانت هيت ولا رجانا مدة يدين الشحاحي
سعوود العصيمي =
احمد الله سلمك ربك من الحرب ونذيره=اقتنع وان مااقتنعت اتقنعك هوج الرياحي
بارك الله فالرجال اللي مواقفهم شهيـره=وانتبه لاتقرب المحذور واللي راح راحي
النشمي =
ماحسبنا للعلوم اللـي تروجهـا الجزيـره=والجبل سنجار مايهتز من قرن الوضاحي
طيعني ريح ضميرك واطلب الله فالستيره=صاحبك جني مع الجني وللصاحين صاحي
سعوود العصيمي =
حـط حبـك يالثبيتـي فالرحـاه المستـديـره=الجبل سنجار فوقـه نجـم هلـه ليـن طاحـي
مستريح ولاحسبت حسـاب لليمنـى القصيـره=وانعرف منهم أهل السيف الحدب واهل المساحي
النشمي =
العصيمي ياعتابه منعرف شـره وخيـره=مار ليته ينفتح ويعيش عصـر الانفتاحـي
الثبيتي ماغدالـه فالزمـن حبـة شعيـره=والسلام ختام والبيضاء علىصدرك وشاحي
سعوود العصيمي =
العصيمي يالثبيتي شب اله فالوقت نيره=وانت ماشفت الرماه اللي تبطح فالبطاحي
يالثبيتي روح قل لجحا يحسّب في حميره=ماهو ابقد الكفاح ولا رياجيـل الكفاحـي
| التوقيع |
اللي على كيفه يجي والاّ على كيفه يروح = إن راح في حفظ الولي وإن جاء هلا واهلآ هلا.
ماني على قربه شفي والاّ على بعده شفوح = الله خلقني مااعترض من صد من كل الملا.
|