هذه قصيدة النجيدي عندما نخى قبايل عنزة التي في خيبر
قال النجيدي من عذيـات النبـا = ألذ مـن در البكـار العسايـف
وخلاف ذا ياركب فوق عوصـا = مافوقها كود خرجها والسفايـف
فوقها اللي لقطع الفيافي امضـرا = يبي السرى وعن نومةالليل عايف
أدل من القطاة في داجي الدجـى = رامت ضنها بالحزوم الصلايـف
قـم يانديبـي بالعجـل لاتونـاأزبن = على اللي زبنوا كل خايـف
أولاد وايل وين ربعـي نخيتكـم = مروين مصقول السيوف الرهايف
سلم على صبيان وايل جميعهـم = اكبارهم واصغارهـم باللفايـف
سلم على كل المشايـخ وحثهـم = من روس لابة ما خلطهم عذايف
سلم على ابن سمير ثم ابن معجل = وباروخ زبن التلافات التلايـف
وسلم على القعقاع وانخ ابن جندل = وسلم على الطيار والشيخ نايـف
سلم وعلمهـم بيـوم جرالنا = جتنـاجموعٍ كثيرة وأغلبتهـا ردايـف
جونا هل البلقا جمـوع يجرهـا = شيخٍ يبي يوفي ديون وحلايـف
جونا على ميقوع عشرين بيـرق = وأقفوا يجرون الندم والحسايـف
بالقيض حدونا على شان جارنـا = وعيوا علينا بطيبات المصايـف
خيل اقبلانا يوم اتشـلا بخيلنـا = مثل السباع الجايعـات الهوايـف
ينخن الصاعديات في صيحة لهن = ينخننا عن عايـزات الكشايـف
وعجنا رقاب الخيل لعيون خودنا = صفوة رجال وعايزين الكلايـف
عاداتنا بالكون نرخص عمارنـا = ونجود بالارواح دون العطايـف
وحنا الذي مانقبل الضيم والقهـر = غش على كبد المعادي امسايـف
ويلان وين انتم ترى اليوم يومكم = والا مع الاجناب ننهج عرايـف